అయితే ఈ అంశం మీద ఏపీ మంత్రి పేర్ని నాని ఆసక్తికరంగా స్పందించారు. రాష్ట్రంలో ఎలాంటి కొత్త వైరస్‌ లేదని ఏపీ మంత్రి పేర్ని నాని స్పష్టం చేశారు. ప్రభుత్వంపై ప్రతిపక్ష నేత చంద్రబాబు బుదరచల్లే ప్రయత్నం చేస్తున్నారని ఆయన విమర్శించారు. ఏపీలో ఎన్‌440కె వైరస్‌ ఉన్నట్లు నిర్ధరణ జరగలేదని ఆయన అన్నారు. రాష్ట్రంలో కొత్త రకం వైరస్‌ లేదనే విషయాన్ని నిపుణులే చెబుతున్నారన్న ఆయన కరోనా పరీక్షలు చేయడంలో దేశంలోనే ఏపీ ముందుందని చెప్పుకొచ్చారు. పడకలు, ఆక్సిజన్‌, రెమ్‌డెసివిర్‌ అందుబాటులో ఉన్నాయని పేర్ని నాని అభయం ఇచ్చారు. 

అయితే కరోనా కేసులు భారీ స్థాయిలో పెరగడానికి ఎన్440కె వేరియంట్ కారణం అని శాస్త్రవేత్తలు చెబుతున్నారు. ఆంధ్రప్రదేశ్‌లో ప్రతి రోజు 20 వేలకు పైగానే కరోనా పాజిటివ్ కేసులు నమోదు అవుతూ వస్తున్నాయి. మరణాల సంఖ్య కూడా క్రమంగా పెరుగుతోంది. ఇక ఈ సెకండ్ వేవ్‌లో ఎన్440కే వేరియంట్ 10 రేట్లు వేగంగా వ్యాప్తి చెందుతున్నట్టు నిపుణుల పరిశోధనలో తేలింది. చూడాలి మరి ప్రభుత్వం దీనిని ఎప్పటికి నిర్దారిస్తుందో ?