రమణ గోగుల  ఏడేళ్లుగా సినీ పరిశ్రమకు దూరంగా ఉండటానికి సంబంధించిన కారణాలు ప్రస్తుతం సోషల్ మీడియాలో హల్ చల్ చేస్తున్నాయి. అయితే గతంలో రమణ గోగుల తెలుగులో ఓ సినిమా నిర్మాతగా వ్యవహరించారట. ఈ సినిమా ఆశించిన స్థాయిలో ప్రేక్షకుల ఆదరణ పొందలేకపోయింది. దీంతో ఆయన ఆర్థికంగా కొంతకాలంపాటు ఇబ్బందులు ఎదుర్కొన్నాడు. ఆ తర్వాత సినిమాలకు స్వస్తి పలుకుతూ అమెరికాలో స్థిరపడినట్లు సమాచారం.

రమణ గోగుల నిర్మాతగా వ్యవహరించిన చిత్రం బోని. ఈ సినిమాలో సుమంత్, కృతి కర్బందా హీరో హీరోయిన్లుగా వ్యవహరించారు. ఆ తర్వాత 2013లో విడుదలైన వెంకటాద్రి ఎక్స్‌ప్రెస్, 1000 అబద్దాలు తదితర చిత్రాలకు సంగీతం సమకూర్చారు. గతంలో తెలుగులో తమ్ముడు, ప్రేమంటే ఇదేరా, బద్రి, యువరాజు,  జానీ, లక్ష్మీ, అన్నవరం, యోగి తదితర సినిమాలకు సంగీతం అందించారు. అయితే వీటిలో చాలా వరకు సినిమాలు హిట్ కాలేదు. కానీ, సంగీత పరంగా ప్రేక్షకులను బాగానే అలరించాయి. ఆర్థికంగా నిలదొక్కుకోలేకే సినీ పరిశ్రమకు దూరమైనట్లు తెలుస్తోంది. ఏదేమైనా తెలుగు సినీ ఇండస్ట్రీ మంచి మ్యూజిక్ డైరెక్టర్‌ను కోల్పోయింది.