ఈ క్రమంలో కరోనా కేసులు కూడా విజృంభిస్తున్న సమయంలో నియోజకవర్గ సమస్యలపై దృష్టిపెట్టిన ఆమె.. సరికొత్త సాంప్రదాయానికి తెరతీశారు. తన నియోజకవర్గ సమస్యలు, కరోనా కట్టడి కోసం ఇంటి నుంచి ఆన్ లైన్లో ఆమె పనిచేస్తున్నారు. 10 రోజుల క్రితం వర్క్ ఫ్రమ్ హోమ్ మొదలుపెట్టిన ఆమె.. ఆన్ లైన్ ద్వారా అధికారులు, నేతలతో టచ్ లో ఉంటున్నారు. నగరి నియోజకవర్గంలో ముఖ్యమైన పట్టణమైన పుత్తూరు మున్సిపాలిటీ అధికారులు, నేతలతో ఆమె తాజాగా జూమ్ మీటింగ్ ద్వారా సమావేశమయ్యారు. కరోనా కట్టడికి తీసుకోవాల్సిన చర్యలపై చర్చించారు. 

అంతే కాక రాష్ట్ర ప్రభుత్వం ఉచితంగా పంపిణీ చేస్తున్న కోవిడ్ టీకాలను వేసుకోవడానికి ప్రజలు ముందుకు రావాలని రోజా తన నియోజకవర్గ ప్రజలకు పిలుపునిచ్చారు. కరోనా సోకిన వారు ప్రభుత్వ ఆసుపత్రిలో కరోనా టెస్ట్ చేసుకోకుండా హోమియోపతి, ఆయుర్వేదం, నాటు వైద్యం తదితర చికిత్సలు చేసుకోవడం మంచిది కాదని అన్నారు. కరోనా సెకండ్ వేవ్ కారణంగా ఎక్కువ యువత కూడా ప్రాణాలు కోల్పోతున్నారని, వారి వల్ల కుటుంబ సభ్యులకు కూడా ప్రాణహాని ఉందని రోజా ఆవేదన వ్యక్తం చేశారు. రోడ్లపై అనవసరంగా తిరిగే వారిపై, మాస్కులు ధరించని వారిపై పోలీసులు కఠిన చర్యలు తీసుకోవాలని కూడా ఆమె కోరారు.