మరోపక్క దిల్ రాజు భారీ సినిమాలను నిర్మించే పనిలో ఉన్నారు. ఇప్పటికే ఆయన రామ్ చరణ్ శంకర్ కాంబినేషన్లో ఒక భారీ ప్యాన్ ఇండియా అనౌన్స్ సినిమా చేసిన సంగతి తెలిసిందే.. అలాగే ఆయన ప్రభాస్, పవన్ కళ్యాణ్ ఇద్దరితో కూడా సినిమాలు చేయడానికి ప్రయత్నాలు చేస్తున్నట్లు చెబుతున్నారు.. మరోపక్క మహర్షి దర్శకుడు వంశీ పైడిపల్లి, తమిళ స్టార్ హీరో విజయ్ ఇద్దరితో కలిసి మరో ప్రాజెక్ట్ ప్లాన్ చేస్తున్నాడని ప్రచారం జరుగుతోంది.. 

మరి ఇందులో నిజానిజాలు ఏ మేరకు ఉంటాయనేది అధికారిక ప్రకటన వెలువడితే కానీ చెప్పలేం. మరోపక్క నాగచైతన్య హీరోగా థాంక్యూ అనే సినిమా రూపొందుతున్న సంగతి తెలిసిందే. ఈ సినిమాకు విక్రమ్ కుమార్ దర్శకత్వం వహిస్తున్నారు. దిల్ రాజు నిర్మాణంలో తెరకెక్కుతున్న ఈ సినిమాలో రాశి ఖన్నా హీరోయిన్ గా నటిస్తోంది. ఈ సినిమా యూనిట్ అంతా ఇటలీకి షూటింగ్ నిమిత్తం వెళ్ళగా ఇప్పుడు ఇక్కడి నుంచి అక్కడికి విమానాల రాకపోకలు నిలిపివేశారు. ఈ నేపథ్యంలో ఇక్కడి నుంచి వెళ్లి ఆ షూటింగ్లో పాల్గొనాల్సి కొంత మంది నటీనటులు లేకపోవడంతో ఆ సినిమా షూటింగ్ కూడా ఆగిపోయింది.