వారిని నేనే చ‌దివిస్తానని చెబుతూ సందీప్ కిష‌న్ సోష‌ల్ మీడియాలో ఓ పోస్ట్ చేశారు. పిల్ల‌ల వివ‌రాల‌ను (sundeepkishancovidhelp@gmail.com) ఈ మెయిల్ అడ్ర‌స్ కు పంపించాల‌ని సందీప్ కిష‌న్ కోరారు. తాను త‌న టీమ్ తో క‌లిసి సాధ్య‌మైనంత మంది పిల్ల‌ల‌ను చూసుకుంటాన‌ని తెలిపారు. కొన్ని సంవ‌త్స‌రాల వ‌ర‌కూ అన్ని ఖ‌ర్చులూ తానే భ‌రిస్తాన‌ని సందీప్ కిష‌న్ తెలిపారు. ఇవి క‌ఠిన‌మైన ప‌రిస్థితుల‌ని ఈ స‌మ‌యంలో మ‌నుషులు ఒక‌రికొక‌రు అండ‌గా నిల‌బ‌డాల‌ని అన్నారు. ఇక చాలా తక్కువ మార్కెట్, తక్కువ రెమ్యునరేషన్ తీసుకునే హీరో ప్రజలకి అండగా నిలబడేందుకు వస్తుంటే మిగతా వాళ్ళకి ఏమయింది ? అనే ప్రశ్నలు వినిపిస్తున్నాయి. 

అభిమానులు సైతం మా హీరో అన్ని కోట్లు రెమ్యునరేషన్ తీసుకుంటున్నాడు, మా వాడు తోపురా అని కామెంట్స్ చేస్తూ ఉంటారు. అలాంటి వాళ్ళు ఇప్పుడు కూడా తమ హీరోలు ఏమి చేస్తున్నారో కామెంట్ చేస్తే బాగుంటుంది. నిజానికి తెలుగులో బడా హీరోలు ఒక సినిమా చేస్తే అందుకునే రెమ్యునరేషన్ తో సందీప్ కిషన్ పది సినిమాలు చేస్తాడు. అలాంటి సందీప్ కిషన్ తనను ఆదరిస్తున్న ప్రజల కోసం ఇంత చేస్తుంటే మరి ఆ పెద్ద హీరోలు ఇంకెంత చేయాలి ? కనీసం ఇలాంటి పరిస్థితుల్లో అయినా ముందుకు వస్తే మున్ముందు ప్రజల్లో పరువు నిలబడుతుంది.