ఇందుకే వచ్చే ఏడాది మేనెలలో జరగనున్న ఐదురాష్ట్రాల ఎన్నికల సందర్భంగా ప్రతిపక్షాలు చేతులు కలిపే అవకాశాలు కనబడుతున్నాయి. పంజాబ్, ఉత్తరప్రదేశ్, గోవా, ఉత్తరాఖండ్, మణిపూర్ రాష్ట్రాల ఎన్నికలు జరగనున్నాయి. వీటిల్లో ఉత్తరప్రదేశ్, పంజాబ్ పెద్ద రాష్ట్రాలు, మిగిలినవి చిన్నవి. అయితే రాష్ట్రం పెద్దదయినా చిన్నదైనా ప్రతిపక్షాలన్నీ కలిసి పోరాటం చేస్తే బీజేపీని ఓడించే అవకాశాలున్నాయి. పై రాష్ట్రాల్లో యూపీ, గోవా, మణిపూర్, ఉత్తరాఖండ్ లో బీజేపీ అధికారంలో ఉంది. పంజాబ్ లో కాంగ్రెస్ అధికారంలో ఉంది. యూపీలో సమాజ్ వాదీపార్టీ, బహుజన్ సమాజ్ వాదీపార్టీ బలమైన ప్రాంతీయ పార్టీలు. వీటికి కాంగ్రెస్ కూడా తోడై స్పష్టమైన సీట్ల షేరింగ్ తో సమన్వయంగా పోరాడితే బీజేపీని ఓడించచ్చనే విశ్లేషణలు పెరిగిపోతున్నాయి. పంజాబ్ లో బీజేపీ, ప్రతిపక్షాలు పెద్దగా బలంగా ఏమీలేవు. అయినా మిత్రపక్షాలను కలుపుకుని వెళితే కాంగ్రెస్ విజయం తధమ్యట. ఇక మిగిలిన చిన్న రాష్ట్రాల్లో కూడా ప్రతిపక్షాలు గట్టిగా జట్టుకడితే మంచి ఫలితాలు సాధించచ్చనే అబిప్రాయం పెరిగిపోతోంది. మరి బీజేపీయేతర పార్టీలు ఏమి చేస్తాయో చూడాలి.