మూడో కూటమికి స్థానం ఇవ్వకుండా.. ఎల్‌డీఎఫ్‌, యూడీఎఫ్‌ అభ్యర్థులనే గెలిపించారు. ఎల్‌డీఎఫ్‌ మొత్తం 99 స్థానాల్లో విజయం సాధించగా మిగతా 41 స్థానాలను యూడీఎఫ్‌ కూటమి కైవసం చేసుకుంది. ఈ కూటమికి నేతృత్వం వహిస్తున్న కాంగ్రెస్‌ పార్టీ మాత్రం 22 స్థానాలతో సరిపెట్టుకుంది. ఎన్డీయే ఒక్క స్థానంలో కూడా పాగా వేయలేకపోయింది. 2016 ఎన్నికల్లో కైవసం చేసుకున్న నేమోమ్‌ స్థానాన్నీ కోల్పోవాల్సి వచ్చింది. ఈ ఎన్నికల్లో ఎల్‌డీఎఫ్‌ గతంలో కంటే మెరుగైన ఫలితాలను సాధించింది. కాసర్‌గోడ్‌, కన్నూర్‌, కోళిక్కోడ్‌, పాలక్కాడ్‌, త్రిస్సూర్‌, పథనంతిట్ట, అలప్పుళ, కొల్లం, తిరువనంతపురం జిల్లాల్లో అన్ని స్థానాలను లెఫ్ట్ పార్టీ తన ఖాతాలో వేసుకుంది. 

మిగతా జిల్లాల్లో ఎల్‌డీఎ్‌ఫ-యూడీఎఫ్‌ మధ్య హోరాహోరీ పోటీ జరిగింది. నిజానికి ఒక రకంగా కేరళ లో పినరయి విజయన్ ప్రభుత్వం మీద చాలా వ్యతిరేకత వచ్చిందనే వాదన వినిపించింది. కొన్ని నిర్ణయాలు ప్రజలకు నచ్చలేదని ప్రజా వ్యతిరేకంగా ఉన్న నిర్ణయాల కారణంగా పార్టీకి ఓటమి తప్పదని విశ్లేషకులు సైతం వినిపించాయి. వాటన్నిటినీ పక్కనపెట్టి పినరయి విజయన్ మరోసారి సీఎం కాబోతున్నారు. మరి ఈసారి ఆయన పాలన ఎలా ఉండబోతోంది ? గత పాలన మీద రివ్యూ చేసుకుని ఆయన తన పంధా మార్చుకుంటారు ఏమో చూడాలి. లేదా ఇలా ఉన్నా సరే ప్రజలు తనకు పూర్తి స్థాయి మెజారిటీ ఇచ్చారు కాబట్టి ఇలాగే పరిపాలిస్తాను అంటారో చూడాలి.