మైత్రీ మూవీ మేకర్స్ సంస్థ ఈ సినిమాను నిర్మించనుంది. ఈ సినిమా తర్వాత అనిల్ రావిపూడితో కూడా ఓ సినిమా చేయబోతున్నాడు అనే ప్రచారం పెద్ద ఎత్తున జరుగుతోంది. ఆ విషయం పక్కన పెడితే బాలకృష్ణతో సినిమా చేయడానికి ప్రముఖ నిర్మాణ సంస్థ హారిక అండ్ హాసిని క్రియేషన్స్ భారీ ఎత్తున ప్రయత్నాలు చేస్తున్నట్లు సమాచారం. త్రివిక్రమ్ చేస్తున్న దాదాపు అన్ని సినిమాలు ప్రస్తుతం ఈ బ్యానర్ నుంచి వస్తున్న సంగతి తెలిసిందే. 

ఎన్టీఆర్ త్రివిక్రమ్ కాంబినేషన్ సినిమా కూడా ఈ బ్యానర్ లో రావాల్సి ఉండగా అనుకోని కారణాల వలన క్యాన్సిల్ అయింది. ఇప్పుడు అదే ఎన్టీఆర్ ప్లేస్ లో మహేష్ బాబుని పెట్టి సినిమా అనౌన్స్ చేశారు. అయితే ఇప్పుడు ఈ బ్యానర్ అధినేత చినబాబు బాలకృష్ణతో ఎలాగైనా ఒక సినిమా చేయాలని ప్రయత్నాలు చేస్తున్నారట. దాని కోసం ఇద్దరు స్టార్ డైరెక్టర్లకు కూడా స్క్రిప్ట్ సిద్దం చేయమని చెప్పారని అంటున్నారు. వారిలో బాలయ్యకు తగ్గ కధ ఎవరు తయారు చేస్తే వాళ్ళతో సినిమా చేసే అవకాశం ఉందని అంటున్నారు. ఒకసారి ఫైనల్ అయితే అధికారిక ప్రకటన కూడా చేసే అవకాశం ఉందని అంటున్నారు.