అయితే సెంట్రల్ అసెంబ్లీ సీటుని కేవలం 25 ఓట్లతో కోల్పోగా, వెస్ట్ సీటుని 7 వేల మెజారిటీతో కోల్పోయింది. అయినా సరే నగరంపై టీడీపీకి పట్టు తగ్గలేదు. వైసీపీ అధికారంలో ఉన్నా సరే బెజవాడలో టీడీపీ నేతల హవా నడిచింది. కానీ టీడీపీ నేతల మధ్య ఉన్న అంతర్గత విభేదాలు పెద్ద ఎత్తున నష్టం వచ్చేలా చేశాయి. నగరంలో ఎంపీ కేశినేని నాని, బుద్దా వెంకన్న, బోండా ఉమాలకు అసలు పొసగడం లేదు.

మొదట నుంచి నాని..సొంత పార్టీ నేతలపైనే విమర్శలు చేస్తూ వచ్చారు. ఇటీవల కార్పొరేషన్ ఎన్నికల సమయంలో బోండా, బుద్దాల టార్గెట్‌గా విమర్శలు గుప్పించారు. ఇక నానికి ధీటుగా బోండా, బుద్దా వెంకన్నలు కూడా కౌంటర్ ఇచ్చారు. వీరి రచ్చ వల్ల గెలవాల్సిన విజయవాడ కార్పొరేషన్ సైతం ఓడిపోవాల్సి వచ్చింది. వైసీపీ నేతలు కలిసికట్టుగా పనిచేసి విజయవాడని సొంతం చేసుకున్నారు.

ఇక ఓడిపోయాక నేతలంతా సైలెంట్ అయిపోయారు. ముఖ్యంగా ఎంపీ కేశినేని నాని పెద్దగా బయటకు రావడం లేదు. అటు బోండా ఉమా కూడా సోషల్ మీడియా వరకే పరిమితమయ్యారు. అసలు నగరంలో టీడీపీ నేతలు ఎవరి దారి వారిదే అన్నట్లుగా నడుచుకుంటున్నారు.  దీంతో టీడీపీ ఇంకా వీక్ అయిపోయింది. నేతల మధ్య గొడవలు ఇంకా సర్దుకోకపోవడంతో వైసీపీకి అడ్వాంటేజ్‌గా మారింది. నెక్స్ట్ ఎన్నికల్లో నగరంలో వైసీపీకి మంచి లీడ్ వచ్చే అవకాశాలు బాగానే కనిపిస్తున్నాయి.