ఈ లోపు ఆయన తండ్రి అల్లు అరవింద్ అల్లు అర్జున్ కోసం ఒక సెన్సేషనల్ ప్రాజెక్ట్ చేసినట్లు చెబుతున్నారు. అల్లు అర్జున్ తో ఈ సారి మురుగదాస్ పని చేయబోతున్నారు అనే ప్రచారం జరుగుతోంది. ఈ మేరకు అల్లు అరవింద్ మురుగదాస్ తో చర్చలు పూర్తి చేశాడని ప్రాజెక్టుకు సంబంధించిన దాదాపు అన్ని ప్రీ ప్రొడక్షన్ పనులు కూడా మొదలు అయ్యాయని తెలుస్తోంది. మరికొద్ది రోజుల్లో ఈ ప్రాజెక్టు అధికారికంగా ప్రకటించే అవకాశాలు కూడా ఉన్నాయని అంటున్నారు. నిజానికి మురుగదాస్ అల్లు అర్జున్ కాంబోలో ఒక సినిమా ఉండబోతోందని చాలా రోజుల నుంచి ప్రచారం జరుగుతూనే ఉంది. 

అయితే ఇప్పటికీ ఈ ప్రాజెక్టు రెడీ అయిందని అంటున్నారు. దీంతో అల్లు అర్జున్ తెరకెక్కించబోయే తదుపరి సినిమా మురుగదాస్ తోనే ఉండబోతోందని తెలుస్తోంది. ఇక ప్రస్తుతం ఆయన హీరోగా తెరకెక్కుతున్న పుష్ప సినిమా షూటింగ్ ఆగిపోయిన సంగతి తెలిసిందే. నిజానికి అల్లు అర్జున్ కి కరోనా వచ్చినా సరే సినిమా షూటింగ్ ఆపలేదు. ఫహద్ ఫాసిల్ డేట్స్ మళ్ళీ దొరకవేమో అన్న కారణంగా ఈ సినిమా షూటింగ్ జరిపారు. కానీ ఆయన కరోనా కేసులకు భయపడి కొచిన్ వెళ్లిపోయిన నేపథ్యంలో ఈ సినిమా షూటింగ్ కూడా ఆగి పోవాల్సిన పరిస్థితి ఏర్పడింది.