പാലക്കാട് ഇന്ന് കോവിഡ് ബാധിച്ചവരുടെ എണ്ണം

പാലക്കാട് : പാലക്കാട് ജില്ലയില്‍ ഇന്ന് 1936 പേര്‍ക്ക് കൊറോണ വൈറസ് രോഗം സ്ഥിരീകരിച്ചതായി ആരോഗ്യവകുപ്പ് അധികൃതര്‍ അറിയിക്കുകയുണ്ടായി. ഇതില്‍ സമ്പര്‍ക്കത്തിലൂടെ രോഗബാധ ഉണ്ടായ 853 പേര്‍, ഉറവിടം അറിയാതെ രോഗം ബാധിച്ച 1066 പേർ, ഇതര സംസ്ഥാനങ്ങളിൽ നിന്നും വിദേശ രാജ്യങ്ങളിൽ നിന്നും വന്ന 12 പേർ, 5 ആരോഗ്യ പ്രവർത്തകർ എന്നിവർ ഉൾപ്പെടും.943 പേര്‍ക്ക് രോഗമുക്തി ഉള്ളതായും അധികൃതര്‍ അറിയിക്കുകയുണ്ടായി.

ഇതോടെ പാലക്കാട് ജില്ലയില്‍ കോവിഡ് ചികിത്സയിലുള്ളവരുടെ എണ്ണം 22222 ആയി ഉയർന്നു. ജില്ലയില്‍ ചികിത്സയില്‍ ഉള്ളവര്‍ക്ക് പുറമെ പാലക്കാട് ജില്ലക്കാരായ ഒരാള്‍ വയനാട് ജില്ലയിലും 3 പേർ കണ്ണൂർ ജില്ലയിലും 5 പേർ കാസർഗോഡ് ജില്ലയിലും 6 പേർ വീതം ആലപ്പുഴ, ഇടുക്കി ജില്ലകളിലും 7 പേർ കൊല്ലം,കോട്ടയം ജില്ലകളിലും 11 പേർ പത്തനംതിട്ട ജില്ലയിലും 15 പേർ തിരുവനന്തപുരം ജില്ലയിലും 27 പേർ കോഴിക്കോട് ജില്ലയിലും 49 പേർ എറണാകുളം ജില്ലയിലും 139 പേർ മലപ്പുറം ജില്ലയിലും 105 പേർ തൃശ്ശൂർ ജില്ലയിലും കോവിഡ് ചികിത്സയിലുണ്ട്.