ఇప్పుడు ఈ నేపథ్యంలో మంత్రి ఈటల కింకర్తవ్యం ఏమిటి అనే చర్చ జరుగుతోంది. ప్రస్తుతానికైతే ఈటెల నివాసానికి చాలామంది వెళ్లి మద్దతు తెలియజేస్తున్నారు ఉద్దేశపూర్వకంగా తమ నాయకుడి మీద ఆరోపణలు చేస్తున్నారని కావాలని కుట్రపన్ని ఆయనను పదవి నుంచి తప్పించాలని చూస్తున్నారని వారు ఆరోపిస్తున్నారు. ఇప్పటికే రాజకీయ భవితవ్యంపై నియోజకవర్గంలో పలువురు కార్యకర్తలు, సన్నిహితులతో మంత్రి రాజేంద్ర సమాలోచనలు జరిపారు అని తెలుస్తోంది.

 ఇక మీదట ప్రభుత్వం తీసుకున్న నిర్ణయాన్ని బట్టి ఎలా ముందుకు నడుద్దాం..? అనే విషయం గురించి తన సన్నిహితులతో చర్చించినట్లు సమాచారం. తాను ప్రాతినిథ్యం వహిస్తున్న హుజురాబాద్‌ నియోజకవర్గ ప్రజలే తన బాస్‌లు అని వారి నిర్ణయం ప్రకారమే తన నిర్ణయాలుంటాయని ఆయన నిన్న ప్రకటించడంతో ఆయన నిర్ణయం ఎలా ఉంటుందనే ఆసక్తి అందరిలో నెలకొంది. ఇక మీదట శరణమా ? రణమా అనేది ఈరోజు రేపటిలో సర్కారు తీసుకునే నిర్ణయం మీద ఆధార పడి ఉంటుందని అంటున్నారు. అసలు పార్టీ నుండి ఈటలను తప్పిస్తారా ? లేదా అనేది ఆసక్తికరంగా మారింది. ఒకవేళ తప్పిస్తే ఈటల  ఎలాంటి నిర్ణయం తీసుకోనున్నారు అనేది చూడాలి.