మధ్యలో అనేక పార్టీలు రమ్మని ఆహ్వానించినా టీడీపీని వదలలేదు. ఇక 2019లో ఆరోగ్య కారణాలతో పోటీలో దిగకుండా, తన తనయుడు కృష్ణప్రసాద్‌ని బరిలో దించారు. కానీ అనూహ్యంగా కృష్ణప్రసాద్ ఓటమి పాలయ్యారు. అలాగే స్థానిక సంస్థల ఎన్నికల్లో సైతం పెడనలో టీడీపీకి మంచి ఫలితాలు రాలేదు. ఇలా టీడీపీ కష్టకాలంలో ఉన్న సమయంలోనే వెంకట్రావు మరణించారు. దీంతో ఆయన తనయుడు కృష్ణప్రసాద్ పెడనలో ఏ విధంగా నెట్టుకొస్తారనేది తెలియడం లేదు.

దీనికితోడు కృష్ణప్రసాద్ టిక్కెట్‌కే ఎసరు పెట్టాలని పక్కనే మచిలీపట్నంలో ఉన్న టీడీపీ సీనియర్ నేత, మాజీ ఎంపీ కొనకళ్ళ నారాయణ ఫ్యామిలీ చూస్తుంది. 2019 ఎన్నికల్లోనే పెడన టిక్కెట్ దక్కించుకోవాలని గట్టిగా ప్రయత్నాలు చేశారు. కానీ చంద్రబాబు, కాగిత ఫ్యామిలీని వదలలేదు. కాగిత వారసుడుకే టిక్కెట్ ఇచ్చారు. జగన్ వేవ్‌లో కృష్ణప్రసాద్ ఓటమి పాలయ్యారు. అయితే ఇప్పుడు వెంకట్రావు చనిపోయారు. దీంతో కాగిత వారసుడుకు చెక్ పెట్టాలని సొంత పార్టీ వాళ్లే కాచుకుని కూర్చున్నారు.

ఎలాగైనా వచ్చే ఎన్నికల్లో పెడన టిక్కెట్ దక్కించుకోవాలని కొనకళ్ళ ఫ్యామిలీ రెడీ అవుతుంది. అయితే పెడనలో కాగిత వర్గం బలంగానే ఉంది. పైగా వెంకట్రావు లేకపోవడంతో ఆయన వారసుడుకు న్యాయం చేయాలని టీడీపీ అధిష్టానం ఆలోచించే అవకాశం ఉంది. దీని బట్టి చూస్తే కాగిత వారసుడుకు నెక్స్ట్ ఛాన్స్ ఉంటుందనే చెప్పొచ్చు.