ఇక్కడ కేసీఆర్ ప్రభుత్వాన్ని దెబ్బకొట్టి నెక్స్ట్ ఎలాగైనా అధికారంలోకి వచ్చేయాలని అనుకుంటుంది. అయితే కేసీఆర్...కాంగ్రెస్, టీడీపీలని వీక్ చేయడంతోనే టీఆర్‌ఎస్‌కు ప్రత్యామ్నాయంగా బీజేపీ వచ్చేసింది. ఇటీవల దుబ్బాక ఉపఎన్నిక కావొచ్చు, జి‌హెచ్‌ఎం‌సి ఎన్నికల్లో కావొచ్చు టీఆర్‌ఎస్‌కు షాక్ కొట్టేలా బీజేపీ సత్తా చాటింది. అయితే బీజేపీకి రాష్ట్రంలో ఎంత బలం ఉందంటే చెప్పడం కష్టమే.

ఎందుకంటే తెలంగాణ వ్యాప్తంగా కాషాయ పార్టీకి పెద్ద సీన్ లేదు. ఏదో హైదరాబాద్, రంగారెడ్డి, ఆదిలాబాద్, కరీంనగర్, నిజామాబాద్ లాంటి జిల్లాలో కాషాయ పార్టీ బలంగా ఉంది గానీ, మిగిలిన జిల్లాలో పెద్ద సీన్ లేదనే చెప్పొచ్చు. ఎందుకంటే మిగిలిన జిల్లాలో కాంగ్రెస్‌కు కాస్త బలం ఉంది. నల్గొండ, ఖమ్మం, వరంగల్, మహబూబ్‌నగర్ లాంటి జిల్లాలో టీఆర్‌ఎస్‌కు కాంగ్రెస్ ప్రత్యామ్నాయంగా ఉంది. ఆ విషయం నాగార్జునసాగర్ ఉప ఎన్నికతోనే అర్ధమైందని చెప్పొచ్చు. తాజాగా నాగార్జున సాగర్ ఉప ఎన్నిక ఎగ్జిట్‌పోల్స్‌లో టీఆర్ఎస్‌కు స్పష్టమైన మెజారిటీ కనిపిస్తుంది.

అలాగే ఆ తర్వాత కాంగ్రెస్‌కు బాగానే ఓట్లు పడతాయని తెలుస్తోంది. టీఆర్‌ఎస్‌కు 50 శాతంపైనే ఓట్లు వరకు రానున్నాయని సర్వే సంస్థలు చెబుతున్నాయి. అలాగే కాంగ్రెస్‌కు 40 శాతం వరకు ఓట్లు దక్కే ఛాన్స్ ఉంది. ఇక బీజీపీకి 6 నుంచి 7 శాతం వరకే ఓట్లు వచ్చే అవకాశముందని తెలుస్తోంది. ఇక ఈ అంశం ఓ రకంగా గులాబీ పార్టీకి కలిసొచ్చినట్లే. అలాగే కమలం పార్టీకి అన్నీ జిల్లాలోనూ పట్టు లేదని తెలుస్తోంది.