" 22 మంది కమెడియన్ల కలిసి ఒక మూవీలో కామెడీ సీన్ చేస్తున్నాం. బ్రేక్ రావడం తో నేను సెట్స్ లో సేద తీరుతున్నారు. ఈ క్రమంలోనే నా వెనక నుంచి ఒక వ్యక్తి వచ్చి నా చెయ్యి గట్టిగా పట్టుకుని లాగాడు. వెంటనే వెనుతిరిగి చూస్తే ఎమ్మెస్ నారాయణ కనిపించారు. నా పర్సనాలిటీ లో సగం ఉన్నారు కానీ ఆయన మాత్రం నన్ను గట్టిగా లాక్కుపోతున్నారు. ఇది ఏంటి సార్ అని ప్రశ్నిస్తే నీతో మాట్లాడాలి, ఎహే రావే అంటూ బలవంతంగా లాక్కుపోయారు. నాకు కోపం వచ్చి గట్టిగా చెయ్యి విడిపించుకున్నా. ఇదేం పని సార్ అని అడిగితే నువ్వు చాలా హోమిలీగా ఉన్నావ్, చాలా సెక్సీ గా ఉన్నావ్.. రా నీతో పని ఉంది అని నా చెయ్యి పట్టుకొని లాగుతూనే ఉన్నారు. అతని నుంచి బాగా మద్యం వాసనా వస్తోంది. దీనితో ఆయన సీరియస్ గా నా పై బలవంతం చేస్తున్నారని నాకు అర్థం అయింది....."

"ఎంత మర్యాదగా చెప్పినా కూడా ఆయన నాతో అసభ్యంగా ప్రవర్తించడం ఆపలేదు. దాంతో నాకు ఒళ్ళు మండిపోయింది. వెంటనే లేచి నిలబడి ఎమ్మెస్ నారాయణ పీక పట్టుకుని పైకి లేపి గోడకేసి నిలబెట్టాను. దీంతో ఆయన నా పీక పట్టేసిందని గట్టిగా కేకలు వేయడంతో సెట్స్ లో ఉన్న వారంతా వచ్చి విడిపించారు. నన్ను కూల్ చేయడానికి చాలా మంది ప్రయత్నించారు. ఎందుకంటే అప్పటికే ఎమ్మెస్ నారాయణ పెద్ద స్టార్ కమెడియన్. ఆయనతో గొడవపడితే నా కెరీర్ పాడైపోతుందని భావించి నాకు సర్ది చెప్పడానికి ప్రయత్నించారు. కానీ నేను మాత్రం అతనిపై ఫిర్యాదు చేశాను. ఆ తర్వాత కొందరి కమెడియన్లు నాకు రావాల్సిన 10-12 సినిమాల అవకాశాలను చెడగొట్టారు, " అని పద్మ జయంతి చెప్పుకొచ్చారు.