ఎందుకంటే ఉమా తాను ఎదగడానికి చూస్తు, పక్క నాయకులని తోక్కేయాలని చూస్తుంటారు. ఆ విషయం కృష్ణా జిల్లాలోని కొందరు టీడీపీ నేతలని అడిగితే చెప్పేస్తారు. ముఖ్యంగా ఉమా వల్ల టీడీపీని వదిలిన కొడాలి నాని, వల్లభనేని వంశీలైతే బాగా చెబుతారు. అందుకే ఉమా వల్ల పార్టీకి లాభం ఎంత వస్తుందో తెలియదు గానీ, నష్టమైతే బాగానే ఉంటుందని తెలుగు తమ్ముళ్ళు చెవులు కొరుక్కున్న సందర్భాలు చాలానే ఉన్నాయి.

అయితే ఇప్పటికీ ఉమా పార్టీకి డ్యామేజ్ చేసేలాగానే ముందుకెళుతున్నట్లు తెలుస్తోంది. ఇటీవల ముఖ్యమంత్రి వైఎస్ జగన్‌పై మాజీ మంత్రి దేవినేని ఉమ అనుచిత వ్యాఖ్యలు చేశారని, వీడియో మార్ఫింగ్ చేశారని కేసు పెట్టిన సి‌ఐడి్ అధికారులు ఉమాని విచారణ చేస్తున్న విషయం తెలిసిందే. ఇక ఈ అంశంలో ఉమా మీడియా ముందు ఊహించని వ్యాఖ్యలు చేశారు.

జగన్‌పై మార్ఫింగ్‌ వీడియో చేయించింది టీడీపీ అధినేత చంద్రబాబేనని చెబితే, వదిలేస్తామని సీఐడీ అధికారులు తనపై వత్తిడి తెచ్చారంటూ దేవినేని ఉమా సంచలన వ్యాఖ్యలు చేశారు. అయితే ఉమా ఇలా మాట్లాడటం చాలా హాస్యాస్పదంగా ఉందని రాజకీయ వర్గాల్లో చర్చ నడుస్తోంది. కావాలనే సానుభూతి పొందాలనే విధంగా ఉమా రాజకీయంగా మాట్లాడినట్లు కనిపిస్తోంది. ఏదో సినిమాల్లో మాదిరిగా ఉమా, బాబు పేరు చెబితే వదిలేస్తామని సి‌ఐ‌డి అధికారులు బెదిరించారని మాట్లాడినట్లు అర్ధమవుతుంది. ఇక ఇలాంటి మాటల వల్ల రాజకీయంగా లబ్ది పొందడం కంటే నష్టమే ఎక్కువ జరిగేలా కనిపిస్తోంది. ఏదేమైనా ఉమా తన పనికిమాలిన రాజకీయంతో బాబుని మళ్ళీ బుక్ చేసేలా ఉన్నారు.