ఇంతలో ఆహా రావడం అది ఇంటర్నేషనల్ యాప్స్ తో పోటీ పడుతూ కంటెంట్ పుష్ చేస్తూ ఉండటంతో ఇప్పుడు నాగార్జున కూడా కీలక నిర్ణయం తీసుకున్నారు అనే ప్రచారం జరుగుతోంది. ఆ యాప్ కు 'మనం' అనే పేరు కూడా ఖరారు చేసే అవకాశాలు ఉన్నాయని అంటున్నారు. నిజానికి నాగార్జున ఆధ్వర్యంలో అక్కినేని ఫిల్మ్ ఇన్స్టిట్యూట్ కూడా ఉంది. ఇందులో విద్యార్థులు ప్రాజెక్ట్ వర్క్ కింద కొన్ని షార్ట్ ఫిలిమ్స్, ఇండిపెండెంట్ ఫిలిమ్స్ చేయాల్సి ఉంటుంది. 

ఇప్పటిదాకా అలాంటి వాటిలో బాగా వచ్చిన వాటిని కూడా ఎక్కడ రిలీజ్ చేయలేని పరిస్థితి ఉంది. ఇక మీదట నాగార్జున, అక్కినేని నాగచైతన్య, అఖిల్ మొదలగువారు చేసే సినిమాలు, అన్నపూర్ణ ప్రొడక్షన్స్ బ్యానర్ కింద రిలీజ్ అయ్యే సినిమాలు ఈ యాప్ లో పుష్ చేసే అవకాశం ఉందని అంటున్నారు. ఇప్పటికే చర్చలు అన్నీ పూర్తయ్యాయని వీలైనంత త్వరలో అధికారికంగా ప్రకటన చేసే అవకాశం ఉందని కూడా తెలుస్తోంది.