ఈ సినిమా షూటింగ్ జరుగుతున్న సమయంలో ప్రభాస్ మరో మూడు సినిమాలు అనౌన్స్ చేశాడు. ముందుగా మహానటి దర్శకుడు నాగ్ అశ్విన్ తో ఒక సైంటిఫిక్ థ్రిల్లర్ మూవీ అనౌన్స్ చేశాడు. ఆ తర్వాత బాలీవుడ్ దర్శకుడు ఓం రౌత్ తో ఒక మైథలాజికల్ థ్రిల్లర్ రెడీ చేశాడు. ఆది పురుష్ పేరుతో తెరకెక్కుతున్న ఈ సినిమా రామాయణ నేపథ్యంలో సాగుతుంది. ఇక మరో సినిమాను కేజిఎఫ్ సినిమా దర్శకుడు ప్రశాంత్ నీల్ దర్శకత్వంలో అనౌన్స్ చేశారు. సలార్ పేరుతో ఈ సినిమా కొంత మేర షూటింగ్ కూడా జరుపుకుంది. 

ఇంతకీ అసలు విషయానికి వస్తే నాగ్ అశ్విన్ తో సినిమా అనౌన్స్ చేసిన సమయంలో దర్శకుడు సింగీతం శ్రీనివాసరావు ఈ సినిమా కోసం పని చేస్తారని అంటూ సినిమా నిర్మాణ సంస్థ వైజయంతి మూవీస్ ఒక ప్రకటన విడుదల చేసింది. తాజాగా అందుతున్న సమాచారం మేరకు ఈ సినిమా నుంచి సింగీతం శ్రీనివాసరావు తప్పుకున్నారని అంటున్నారు. ప్రస్తుతం దర్శకత్వం టీంతో సింగీతం శ్రీనివాసరావుకి ఏర్పడిన క్రియేటివ్ డిఫరెన్సెస్ కారణంగా ఆయన ఈ సినిమా నుంచి తప్పుకున్నాడు అని అంటున్నారు. నిజానికి 90లలోనే ఆదిత్య 369 సైంటిఫిక్ థ్రిల్లర్ మూవీగా తెరకెక్కిన శ్రీనివాసరావు ఈ సినిమాకి ప్లస్ అవుతారని అందరూ భావించారు. కానీ ఇప్పటి తరం దర్శకులతో తనకు పొసగక పోవడంతో ఆయన టీమ్ నుంచి తప్పుకున్నారని తెలుస్తోంది.