అయితే అభిమానులు అతి చేస్తే అక్కడికక్కడే దండించే బాలయ్య ఎప్పుడూ మీడియాలో హైలెట్ అవుతుంటారు. ఎవరి మీదైనా చేయి చేసుకోగానే బాలయ్య కొట్టాడు అనే స్క్రోలింగ్ టీవీ లో కనిపిస్తాయి. కానీ బాలకృష్ణ సహా బాలకృష్ణ ఫ్యాన్స్ కూడా ఈ విషయాలను అసలు సీరియస్ గా తీసుకోరు. ఆ విషయం పక్కన పెడితే తన అభిమాని మరణించడంతో బాలయ్య అభిమాని కుటుంబ సభ్యులతో ఫోన్లో మాట్లాడారు. ఆ ఫోన్ కాల్ రికార్డు ఇప్పుడు వైరల్ గా మారింది. బళ్లారి ప్రాంతానికి చెందిన వెంకటేష్ బాలకృష్ణ కు వీరాభిమాని. 

అందుకే తన పేరుని బళ్లారి బాలయ్య గా మార్చుకున్నాడు. ఆయన మరణించడంతో ఆయన కుమారుడు తారక్ కి బాలకృష్ణ ఫోన్ చేశారు. ఫోన్ చేసి మాట్లాడిన బాలయ్య ఆయనకు అభయం ఇచ్చాడు. బళ్లారి బాలయ్యకు మొత్తం 5 గురు ఆడపిల్లలు ఒక మగ పిల్లాడు. ఐదుగురు ఆడపిల్లలకు పెళ్లిళ్లు అయిపోయాయి అని తెలుసుకున్న బాలకృష్ణ బళ్ళారి బాలయ్య కుమారుడికి అండగా ఉంటానని మాట ఇచ్చాడు. దీంతో బాలకృష్ణ అభిమానులు ఈ ఆడియోను వైరల్ చేస్తున్నారు. బాలయ్య లో రెండో వైపు కూడా ఉందని మీడియా గుర్తించాలని వారు కోరుతున్నారు.