విశాఖపట్నం లో ఉన్న తమ రామానాయుడు స్టూడియోను ఐసోలేషన్ వార్డులుగా మారుస్తున్నామని ప్రకటించారు. విశాఖపట్నంలో కరోన బాధితులకు సేవలు అందిస్తున్న అందరు డాక్టర్లకు తమ రామానాయుడు స్టూడియోలో ఉచితంగా బస ఏర్పాటు చేస్తామని ఆయన ప్రకటించారు. ఈ మేరకు అధికారికంగా ప్రకటించిన సురేష్ బాబు ఎవరిని కాంటాక్ట్ కావాలో చెబుతూ రెండు ఫోన్ నెంబర్లు కూడా జత చేశారు. ఈ నేపథ్యంలో ఆయన తీసుకున్న నిర్ణయం గురించి పెద్ద ఎత్తున స్పందన లభిస్తోంది. ఆయనను చూసి మిగతా స్టూడియోల యజమానులు కూడా బుద్ధి తెచ్చుకోవాలని నెటిజన్లు కోరుతున్నారు. 

ప్రస్తుతం కరోనా కరాళ నృత్యం చేస్తున్న సమయంలో పెద్దగా షూటింగులు కూడా జరగడం లేదు కాబట్టి అలా నిరుపయోగంగా ఉన్న స్టూడియో భవనాలను డాక్టర్లకు లేదా చికిత్స పొందడానికి వచ్చే రోగులకు ఇస్తే పుణ్యం అయిన వస్తుందని సూచిస్తున్నారు. మరి చూడాలి ఎంత మంది ముందుకు వచ్చి సురేష్ బాబులా సేవ చేయాలని నిర్ణయం తీసుకుంటారనేది. ప్రస్తుతానికి కేవలం విశాఖపట్నం స్టూడియోలో ఐసోలేషన్ వార్డులను అందుబాటులోకి తెచ్చారు. పరిస్థితి తీవ్రం గా మారితే హైదరాబాదులో ఉన్న రామానాయుడు స్టూడియో భవనాలను కూడా అలా వాడుకునేందుకు అనుమతి ఇచ్చే అవకాశాలు ఉన్నాయని సురేష్ ప్రొడక్షన్స్ వర్గాలు చెబుతున్నాయి.