అయితే కొద్ది రోజుల క్రితమే తదుపరి ఉత్తర్వులు జారీ చేసేంతవరకు సినిమా హాళ్లు, క్లబ్బులు, షాపింగ్ మాల్స్, జిమ్స్, స్విమ్మింగ్ పూల్స్ , బార్లు తదితరాలను మూసివేయాలని నిర్ణయించారు. కొద్దితోజుల్ క్రితం జరిగిన  అఖిలపక్ష సమావేశంలో ఈ నిర్ణయాలు తీసుకున్నామని ఆయన ప్రకటించారు. పూర్తి లాక్ డౌన్ విధించరాదని ఈ సమావేశంలో ఏకాభిప్రాయం వ్యక్తమైందని అప్పుడే ఆయన ప్రకటించారు. శని, ఆదివారాల్లో ఎమర్జెన్సీ సర్వీసులు, నిత్యావసర సర్వీసులను మాత్రమే అనుమతిస్తామని ఆయన చెప్పారు. 

రాత్రి ఏడున్నర గంటల కల్లా అన్ని షాపులు, రెస్టారెంట్లను మూసివేయాలని, రాత్రి 9 గంటల వరకు హోమ్ డెలివరీ సౌకర్యం ఉంటుందని ఆయన వివరించారు. అన్ని సామాజిక, రాజకీయ, సాంస్కృతిక, మతపరమైన ఫంక్షన్, గాదరింగ్ లను నిషేధిస్తున్నామన్నారు . ప్రైవేటు ట్రాన్స్ పోర్ట్ వాహనాలు అనుమతించే ప్రసక్తి లేదని ఆయన చెప్పారు. అలా ప్రస్తుతం కేరళలో రాత్రి 9 గంటల నుంచి ఉదయం 5 గంటల వరకు నైట్ కర్ఫ్యూ అమలులో ఉంది. నిజానికి ఇటీవల ఈ రాష్ట్ర ముఖ్యమంత్రి విజయన్ కూడా కరోనా వైరస్ పాజిటివ్ కి గురయ్యారు. ఇంట్లో స్వీయ నిర్బంధంలో ఉన్న ఆయన కొలుకున్నారు.