అయితే తాజాగా అందుతున్న సమాచారం మేరకు ఈ సినిమా షూటింగ్ ఆపక పోవడానికి కారణం మలయాళ నటుడు ఫహద్ ఫాజిల్ అని తెలుస్తోంది. ఎందుకంటే మలయాళంలో ఆయన ఒక టాప్ మోస్ట్ హీరో, గత ఏడాది లాక్ డౌన్ లో కూడా మూడు సినిమాలు వరుసగా షూటింగులు జరిపి వాటిని ఓటీటీలో విడుదల చేశాడు. అంత బిజీగా ఉండే ఫహాద్ ఫాజిల్ డేట్స్ దొరకడం అంటే మామూలు విషయం కాదు. ఆయనను ఎంతో కాలం బ్రతిమలాడిన తర్వాత ఏప్రిల్ మూడో వారం నుంచి పుష్ప సినిమా కోసం డేట్స్ కేటాయించాడు. 

ఇప్పుడు కరోనా పేరు చెప్పి ఆ డేట్స్ గనుక వేస్ట్ చేసుకుంటే మళ్లీ ఫహద్ డేట్స్ పట్టుకోవడం అనేది అసాధ్యమే. ఈ విషయాలన్నీ అవగతం చేసుకున్న సుకుమార్ ఆ ఎలాంటి గ్యాప్ లేకుండా ఆయనకు సంబంధించిన సీక్వెన్స్ లు అన్నీ షూట్ చేస్తున్నట్లు తెలుస్తోంది. నిజానికి ప్రస్తుతానికి బన్నీ ఇంట్లోనే ఉంటున్నాడు. కరోనా కేసులు ఉధృతంగా నమోదవుతున్న కారణంగా ఆయన షూట్ కి వెళ్లడం లేదు. కానీ బన్నీటో ఉన్న కొన్ని కాంబినేషన్ సీన్స్ కోసం బన్నీ కూడా ఇప్పుడు షూట్ కు వెళ్లాల్సిన పరిస్థితి ఏర్పడింది. అందుకే ప్రపంచం అంతా కరోనాకు భయపడుతున్నా సుకుమార్ మాత్రం డేట్స్ విషయానికి భయపడి షూటింగ్ జరుపుతున్నట్లు తెలుస్తోంది.