പ്രീമിയർ ലീഗിൽ ലീഡ്സ് മാഞ്ചസ്റ്റർ യുണൈറ്റഡ് മത്സരം സമനിലയിൽ. മികച്ച പന്തടക്കത്തോടെ കളിച്ച മാഞ്ചസ്റ്റർ യുണൈറ്റഡ് ഗോൾരഹിത സമനിലയോടെയാണ് മത്സരം അവസാനിച്ചത്. ഒരു ഫ്രീകിക്കിൽ നിന്ന് റാഷ്‌ഫോർഡ് തൊടുത്ത ഷോട്ട് മാത്രമാണ് ഇന്ന് മാഞ്ചസ്റ്റർ യുണൈറ്റഡിന് ഒരു ഗോൾ അവസരമായി ലഭിച്ചത്. മത്സരത്തിൽ ഇരുടീമുകളിലെയും ഗോൾ കീപ്പർമാർക്കും കാര്യമായ ജോലി ഇന്നത്തെ മത്സരത്തിൽ ഉണ്ടായില്ല.
മാഞ്ചസ്റ്റർ യുണൈറ്റഡ് രണ്ടാം പകുതിയിൽ പോഗ്ബ, കവാനി, വാൻ ഡെ ബീക് എന്നിവരെ ഇറക്കി ഒലെ പരീക്ഷിച്ചെങ്കിലും ഗോൾ നേടാനായില്ല. ലീഡ്സിനെതിരേ സമനില വഴങ്ങിയതോടെ മാഞ്ചസ്റ്റർ യുണൈറ്റഡിന്റെ കിരീട മോഹങ്ങൾക്ക് മങ്ങലേറ്റു. മാഞ്ചസ്റ്റർ യുണൈറ്റഡ് 33 മത്സരങ്ങളിൽ നിന്ന് 67 പോയിന്റുമായി ലീഗിൽ രണ്ടാം സ്ഥാനത്താണ്. 33 മത്സരങ്ങളിൽ നിന്ന് 47 പോയിന്റുമായി ഒമ്പതാം സ്ഥാനത്താണ് ലീഡ്സ്.
Post Your Comments