வாஷிங்டன் : நோமட்லேண்ட் படத்தை இயக்கிய சீனப்பெண் இயக்குனர் க்ளோயி சாவ் (chloe zhaov) சிறந்த இயக்குநருக்கான ஆஸ்கர் விருதைத் தட்டிச் சென்றார். 93வது ஆஸ்கர் விருது வழங்கும் விழா அமெரிக்காவின் லாஸ் ஏஞ்சலஸ் நகரில் நடைபெற்றது. கொரோனா அச்சுறுத்தல் காரணமாக இந்த ஆண்டு குறைந்த எண்ணிக்கையிலேயே விருந்தினர்கள் பங்கேற்றனர்.விழாவுக்கு அழைக்கப்பட்ட ஹாலிவுட் நட்சத்திரங்கள், இயக்குனர்கள் மற்றும் விருந்தினர்களுக்கு சிவப்புக் கம்பளம் விரிக்கப்பட்டது.
*நோமாட் லேண்ட் படத்தை இயக்கிய சீனப் பெண் இயக்குனர் க்ளோயி சாவ் சிறந்த இயக்குனராகத் தேர்வு செய்யப்பட்டார். ஆஸ்கர் விருது பெறும் இரண்டாவது பெண் இயக்குனர் இவர் என்பது குறிப்பிடத்தக்கது.
*ஒரிஜினல் திரைக்கதைக்கான ஆஸ்கர் விருதை “promising young woman படத்திற்காக எமரால்டு ஃபென்னல் வென்றார்
*ஒரு கதையிலிருந்து தழுவல் செய்யப்பட்ட திரைக்கதைக்கான விருதை the father படத்திற்காக படத்தின் இயக்குனர் ஃபுளோரியன் ஜென்னர் பெற்றுக் கொண்டார்
*டென்மார்க் நாட்டின் Another round சிறந்த வெளிநாட்டுப் படத்திற்கான ஆஸ்கர் விருதைப் பெற்றது.
*சிறந்த குணச்சித்திர துணை நடிகராக டேனியல் கலூயா தேர்வு செய்யப்பட்டார்.’யூதாஸ் அண்ட் பிளாக்மிசியா’ திரப்படத்தில் நடித்ததற்காக டெனியலுக்கு இந்த விருது கிடைத்திருக்கிறது.
*பிரபல ஹாலிவுட் இயக்குனரான கிறிஸ்டோபர் நோலனின் Tenet படத்திற்கு சிறந்த விஷூவல் எபெக்ட்ஸ் பிரிவில் விருது வழங்கப்பட்டது.
*சிறந்த ஆடை அலங்கார வடிவமைப்புக்காக விருதினை மா ரெய்னீஸ் பிளாக் பாட்டம் படத்திற்காக ஆன் ராத் வென்றார்.
*சிறந்த சிகை மற்றும் ஒப்பனை அலங்காரத்திற்கான விருது செர்ஜியோ போபஸ் ரிவேரா, ஜமிகா வில்சன், மியா நில் ஆகிய மூன்று பேருக்கு வழங்கப்பட்டிருக்கிறது. மூன்று பேரும் இணைந்து இந்த விருதினை பெற்றுக்கொண்டனர்.
*அனிமேட்டட் குறும்படத்திற்கான விருது இஃப் எனிதிங் ஹேப்பன்ஸ் ஐ லவ் யூ படத்திற்கு கிடைத்திருக்கிறது.
*’ட்ரூ டிஸ்டேண்ட் ஸ்ட்ரேஞ்சர்’ படம், லைவ் ஆக்சன் குறும்படத்திற்கான விருதினை வென்றது.
*’சோல்’திரைப்படம், முழு நீள அனிமேட்டட் திரைப்பட விருதினை வென்றது.
*’சவுண்ட் ஆஃப் மெட்டல்’திரைப்படம் சிறந்த ஒலி அமைப்புக்கான விருதினை வென்றது.
*சிறந்த நடிகைக்கான ஆஸ்கர் விருதை நோமாட் லேண்ட்படத்தில் நடித்த பிரான்சஸ் மெக்டோர்மெண்ட் பெற்றார்.அமெரிக்காவை சேர்ந்த பிரான்சஸ் மெக்டோர்மெண்ட் 3வது முறையாக ஆஸ்கர் விருதை வென்றுள்ளார்.
*சிறந்த நடிகருக்கான ஆஸ்கர் விருதை THE FATHER படத்தில் நடித்த ஆண்டனி ஹாப்கின்ஸ் பெற்றார்.
*சீனப் பெண் இயக்குனர் க்ளோயி சாவ் இயக்கிய நோமாட் லேண்ட் சிறந்த படத்திற்கான ஆஸ்கர் விருது பெற்றது.