అయితే ఈ సినిమా షూటింగ్ కు 26 నుంచి బ్రేక్ ఇవ్వబోతున్నారు అని తెలుస్తోంది.. ఎందుకంటే ఈ షెడ్యూల్ లోనే భారీ క్లైమాక్స్ ఒకటి ప్లాన్ చేశారు దర్శకుడు బోయపాటి. ఈ క్లైమాక్స్ షూట్ కోసం దాదాపు 500 మంది జూనియర్ ఆర్టిస్టులతో ఫైట్ ఒకటి ఉంటుందట. అయితే కరోనా కారణంగా 50 మందికి మించి షూటింగ్ జరపరాదని ఫిలిం ఛాంబర్ ఈ మధ్యనే దర్శకనిర్మాతలకు లేఖలు రాసింది. 

ఈ నేపథ్యంలో నిబంధనలు అతిక్రమించడం ఇష్టం లేని దర్శక నిర్మాతలు ఈ ఫైట్ సీక్వెన్స్ షూటింగ్ వాయిదా వేసినట్లు తెలుస్తోంది.. ఒకసారి కరోనా  పరిస్థితులు అంతా కుదుటపడ్డాక అప్పుడు మళ్ళీ ఈ సినిమా క్లైమాక్స్ ఫైట్ షూట్ చేస్తారని తెలుస్తోంది. ఇక మరోపక్క తాజాగా ఈ సినిమా నుంచి విడుదలైన టీజర్ అనేక రికార్డులు సృష్టిస్తూ ముందుకు వెళుతోంది. ఇప్పటికే 40 మిలియన్ దాటిన ఈ టీజర్ మరింత ముందుకు పరుగులు పెడుతోంది. బాలయ్య సరసన ప్రగ్యా జైస్వాల్, పూర్ణ నటిస్తున్న ఈ సినిమాను మిరియాల రవీందర్ రెడ్డి నిర్మిస్తున్నారు.