మరియు పతనం అంచున ఉన్న ఆరోగ్య వ్యవస్థను రక్షించుకోవడానికి ఈ చర్య తీసుకున్నట్టు ఆయన ప్రకటనలో పేర్కొన్నారు. సంక్షిప్త లాక్ డౌన్ వెనుక ఉన్న ఆలోచన ఏమిటంటే, ఇది కేసులను నియంత్రిస్తుంది మరియు ఆరోగ్య మౌలిక సదుపాయాలను పెంచడానికి సమయం ఇస్తుందని భావించారు. కానీ పరిస్థితి అప్పటి కంటే అధ్వానంగా మారింది. అటువంటి పరిస్థితిలో, లాక్ డౌన్ ను, మరో వారం  విస్తరించడం తప్ప మరో మార్గం లేదని అంటున్నారు. 

దేశ రాజధానిలో వైరస్ వ్యాప్తిని అరికట్టడానికి ఆమ్ ఆద్మీ పార్టీ (ఆప్) ప్రభుత్వం వారం రోజుల లాక్ డౌన్ విధించినా , ఢిల్లీలో కోవిడ్ -19 పాజిటివిటీ రేటు ఇప్పటికీ 30 శాతానికి పైగా ఉంది. అలాగే తాజా కేసుల సంఖ్య పెరుగుతూనే ఉంది. నగరంలో శుక్రవారం మొత్తం 24,331 కేసులు నమోదయ్యాయి మరియు పాజిటివిటీ రేటు 32.43 శాతంగా ఉంది. లాక్ డౌన్ కారణంగా నగరాన్ని విడిచి పెట్టవద్దని వలస కార్మికులకు చేసిన విజ్ఞప్తిలో, కేజ్రీవాల్ దీనిని మరింత విస్తరించాల్సిన అవసరం ఉండకపోవచ్చని ప్రకటించారు. కానీ ఇప్పుడు పొడిగించాల్సి వచ్చేలానే కనిపిస్తోంది.