2019 ఎన్నికల్లో రాప్తాడు నుంచి పోటీ చేసి శ్రీరామ్ ఓటమి పాలైన విషయం తెలిసిందే. ఇక ఓడిపోయినా సరే నియోజకవర్గంలో ఉంటూ పనిచేసుకుంటున్నారు. ఇదే సమయంలో రాప్తాడు పక్కనే ఉన్న ధర్మవరం బాధ్యతలు కూడా శ్రీరామ్‌కే అప్పగించారు. అక్కడ టీడీపీ నేత వరదాపురం సూరి పార్టీ మారడంతో చంద్రబాబు, ధర్మవరం బాధ్యతలు కూడా శ్రీరామ్‌కే అప్పజెప్పారు.

అయితే రెండు నియోజకవర్గాల్లోనూ శ్రీరామ్ కష్టపడి పనిచేస్తున్నారు. రెండుచోట్లా కార్యకర్తలకు అండగా ఉంటూ, పార్టీ బలోపేతానికి కృషి చేస్తున్నారు. ఇదే సమయంలో బలంగా ఉన్న ప్రత్యర్ధులు, టీడీపీని గట్టిగానే టార్గెట్ చేసి ముందుకెళుతున్నారు. ధర్మవరంలో ఎమ్మెల్యే కేతిరెడ్డి వెంకట్రామిరెడ్డి బలంగా ఉన్నారు. ఇక్కడ ఆయనకు చెక్ పెట్టడం అంత సులువైన పని కాదు. ఎప్పుడు ప్రజల్లో ఉండే కేతిరెడ్డికి రాష్ట్ర వ్యాప్తంగా మంచి క్రేజ్ ఉంది. దీంతో అక్కడ టీడీపీ వీక్‌గా కనిపిస్తోంది. కానీ ఎన్ని ఇబ్బందులు ఉన్నా సరే, శ్రీరామ్ వెనక్కి తగ్గకుండా పనిచేస్తూ ముందుకెళుతున్నారు. కేతిరెడ్డికి ధీటుగానే రాజకీయం చేస్తున్నారు.

ఇటు రాప్తాడులో కూడా శ్రీరామ్ తగ్గట్లేదు. ఇక్కడ ఎమ్మెల్యే తోపుదుర్తి ప్రకాష్‌కు చెక్ పెట్టేలా ముందుకెళుతున్నారు. తనపై ఎన్ని కేసులు వచ్చి పడినా శ్రీరామ్ మాత్రం దూకుడు తగ్గించడం లేదు. తోపుదుర్తిని గట్టిగానే టార్గెట్ చేసి ముందుకెళుతున్నారు. వారు ఎలాంటి రాజకీయం చేసినా, అందుకు ధీటుగానే రాజకీయం చేస్తున్నారు. అయితే ధర్మవరంతో పోలిస్తే రాప్తాడులో శ్రీరామ్ స్ట్రాంగ్ అయినట్లు కనిపిస్తోంది.