ఉద్యోగుల పై పని ఒత్తిడి పడుతున్నా ప్రభుత్వం స్పందించకపోవడం నాలుగు రోజులకు బదులుగా ఆరు రోజులకు ఒక సెలవు విధానంతో ఉద్యోగులు శారీరకంగా మానసికంగా తీవ్రమైన పని ఒత్తిడికి గురవుతున్నారని వాపోతున్నారు. కరోనా పేషెంట్లను తరలించడంలో అందరికంటే ముందుగా సేవలందిస్తున్న 108 సిబ్బందిని ప్రభుత్వం ఏమాత్రం పట్టించుకోక పోవడం బాలేదని అంటున్నారు. ముఖ్యంగా 108 ఉద్యోగులు ఎదుర్కొంటున్న సమస్యలపై ఇప్పటికే గత ఐదు సంవత్సరాల నుండి పలుమార్లు మంత్రులను కలిసినా కూడా సమస్యలను ఏమాత్రం పట్టించుకోక పోవడం సరి కాదని అంటున్నారు. 

తక్షణమే ప్రభుత్వం స్పందించి 2015 నుంచి రావాల్సిన సంవత్సరానికి 10 శాతం చొప్పున ఆరు సంవత్సరాలకు ఉద్యోగులకు న్యాయంగా రావాల్సిన 60 శాతం జీతాల పెంపుదల పాత బకాయిలతో సహా చెల్లించాలని లేని పక్షంలో సమ్మెకు వెళ్తామని వారు చెబుతున్నారు. గత ఆరు సంవత్సరాల నుండి ఎన్ని సమస్యలు ఉన్నా కూడా ఎంతో ఓపికగా ఎంతో మంది ఉద్యోగులు కరోనా బారిన పడి కోలుకున్న తర్వాత సర్వీసుకు మాత్రం బ్రేక్ ఇవ్వకుండా కుటుంబాలకు దూరంగా ఉండి మానవత్వంతో సేవలందిస్తున్నామని మంత్రుల ముందు సమస్యలు ఉంచామే తప్ప ఎక్కడ కూడా ప్రభుత్వాన్ని నిందించలేదని వారు చెబుతున్నారు. చూడాలి మరి ప్రభుత్వం ఎలా స్పందిస్తుంది అనేది.