సో ఇప్పుడు హిట్టు ఫ్లాపు అనే విషయాలు పక్కనపెట్టి అగ్రిమెంట్ ప్రకారం ఆమె ఆహా కోసం పని చేయాల్సి ఉంటుంది. `ఆహా` లో కాస్ట్లియ‌స్ట్ వెబ్ సిరీస్‌గా `లెవెన్త్ అవ‌ర్‌`ని తీసుకొచ్చారు. త‌మ‌న్నా ప్ర‌ధాన పాత్ర‌ధారి కావ‌డంతో.. ఈ సిరీస్ పై కాస్త ఆసక్తిక్ నెలకొంది అయినా సరే ఈ ప్ర‌య‌త్నం ఫ‌లించ‌లేదు. దాదాపు 9 కోట్ల‌తో ఈ వెబ్ సిరీస్ ని రూపొందించిన‌ట్టు టాక్‌. ఇక ఈ సిరీస్ స‌క్సెస్ అయితే… `లెవెన్త్ అవ‌ర్` సీజ‌న్ ని కొన‌సాగించాల‌ని ఆహా భావించింది.

 అందుకోసం త‌మ‌న్నాతో ఓ ఎగ్రిమెంట్ కూడా చేయించుకుంది. అయితే ఆ సిరీస్ ఫ్లాప్ అవ్వ‌డంతో.. త‌న్నాతో మ‌రో సిరీస్ ప్లాన్ చేస్తోంది ఆహా. అందుకోసం ఓ స్క్రిప్ట్ కూడా సిద్ధం చేసిందని సమాచారం. దీంతో పాటుగానే త‌మ‌న్నాతో ఓ టాక్ షో లాంటిది కూడా ప్లాన్ చేయాల‌న్న‌ది ఆహా ఆలోచ‌న‌. ఇప్ప‌టికే స‌మంత‌తో ఓ టాక్ షో నిర్వ‌హించింది. దానికి మంచి స్పంద‌నే వ‌చ్చింది. అందుకే తమన్నాతో కూడా చేయించాలని చూస్తున్నట్టు తెలుస్తోంది. ఇక ప్రస్తుతానికి తమన్నా హీరోయిన్ గా గోపీచంద్ సంపత్ నంది కాంబినేషన్ లో వస్తున్న సిటీ మార్ అనే సినిమాలో నటిస్తోంది.. ఈ సినిమాలో ఆమె జోల రెడ్డి అనే తెలంగాణ మహిళా కబడ్డీ జట్టు కోచ్ పాత్రలో నటిస్తోంది