తాజాగా ఈ మధ్య విడుదల చేసిన ఈ సినిమా టీజర్ సినిమా మీద మరిన్ని అంచనాలు పెంచింది అని చెప్పక తప్పదు. నిజానికి మేజర్ నిర్మాతలు ముందుగా తాజ్ మహల్ హోటల్ లో ఈ సినిమాకు సంబంధించిన కీలకమైన సన్నివేశాలు షూట్ చేయాలని భావించారు. అయితే అందుకోసం ముంబై పోలీసులు అనుమతి నిరాకరించడంతో అలాగే ఉన్న ఒక సెట్ నిర్మించాల్సిన అవసరం ఏర్పడింది. తాజ్ మహల్ హోటల్ ను పోలి ఉండేలా ఒక సెట్ ను ప్రొడక్షన్ డిజైనర్ అవినాష్ కొల్లా ఆధ్వర్యంలో 10 రోజుల్లో 500 మంది కార్మికులతో కలిసి సిద్ధం చేశారు. 

మరో ఆసక్తికరమైన అంశం ఏమిటంటే గ్రాండ్ మెటల్స్ తో పాటు టాటా విగ్రహం ఎం.ఎఫ్.హుస్సేన్ పెయింటింగ్స్ కూడా ఈ సినిమా కోసం సిద్ధం చేయించారు. అలాగే ఆ ప్రొడక్షన్ డిజైనర్ మాట్లాడుతూ ఈ సినిమాలో ఈ హోటల్ సెట్ కూడా నటించే పాత్ర లాంటిది అని చెప్పుకొచ్చారు. కీలక సన్నివేశాలు అన్నీ ఈ సెట్లోనే చిత్రీకరించారు కాబట్టి హోటల్ కూడా ఈ సినిమాలో కీలక పాత్ర పోషిస్తున్నట్లే అని ఆయన చెప్పుకొచ్చారు. హైదరాబాద్ శివార్లలో ఉన్న 10 ఎకరాల స్థలంలో ఈ హోటల్ ను పునర్నిర్మించారు. మొత్తం మీద ఈ హోటల్ సెట్ మాత్రం సినిమా మొత్తానికి హైలెట్ గా నిలవడం ఖాయం అని ఆయన చెబుతున్నారు.