സീരി എ യിൽ എസി മിലാനെ അട്ടിമറിച്ച് സസുവോളോ

സീരി എ യിൽ എസി മിലാനെതിരെ സസുവോളോയ്ക്ക് ജയം. 2-1നാണ് ശക്തരായ എസി മിലാനെ സസുവോളോ അട്ടിമറിച്ചത്. തോൽവിയോടെ എസി മിലാന്റെ കിരീട പ്രതീക്ഷകൾക്ക് മങ്ങലേറ്റു. പരിക്കേറ്റ ടോപ് സ്‌കോറർ സ്ലാട്ടൻ ഇബ്രാഹിമോവിച്ച് ഇല്ലാതെയാണ് മിലാൻ കളത്തിലിറങ്ങിയത്. മത്സരത്തിന്റെ 30-ാം മിനുട്ടിൽ കാൽഹാനോഗ്ലു ഗോൾ നേടിക്കൊണ്ട് മിലാന് ലീഡ് നേടി കൊടുത്തു.

എന്നാൽ മത്സരത്തിന്റെ രണ്ടാം പകുതിയിൽ മത്സരത്തിന്റെ ആധിപത്യം വീണ്ടെടുത്ത സസുവോളോ കളിയുടെ ഗതി മാറ്റിമറിക്കുകയായിരുന്നു. രണ്ട് തകർപ്പൻ ഗോളുകളാണ് എസി മിലാന്റെ പോസ്റ്റിലേക്ക് സസുവോളോ അടിച്ചുകയറ്റിയത്. റാസ്പ്ഡോറിയാണ് (76, 83) സസുവോളോയ്ക്ക് വേണ്ടി വിജയ ഗോളുകൾ നേടിയത്.