ఐతే అదే రోజు రాష్ట్ర వ్యాప్తంగా మొత్తం 1,30,105 పరీక్షలు చేయగా.. 6,542 మందికి కరోనా పాజిటివ్ గా నిర్ధారణ అయ్యింది. బుధవారం రోజు కూడా 23 మంది కరోనా రోగుల చనిపోయారు. బుధవారం ఒక్కరోజే 5, 567 మంది కరోనా బారిన పడ్డారు. సరిగ్గా వారం రోజుల క్రితం టెస్ట్ చేసిన ప్రతి 33 మందిలో ఒకరికి కరోనా పాజిటివ్ గా తేలింది. కానీ ఇప్పుడు కేవలం 19 మంది లోనే ఒకరికి కరోనా పాజిటివ్ గా నిర్ధారణ అవుతోంది. 98 శాతం నుంచి 86.85 శాతానికి రికవరీ రేటు కూడా తగ్గిపోయింది. వారం రోజుల క్రితం రికవరీ రేటు 92% గా ఉండేది కానీ ప్రస్తుతం 86.85% కి పడిపోయింది. మరణ రేటు పెరగడం, రికవరీ రేటు తగ్గటం, పాజిటివ్ కేసుల సంఖ్య పెరగటం వంటివి రాష్ట్ర ప్రజల్లో ఆందోళన కలిగిస్తున్నాయి. తెలంగాణలో ప్రస్తుతం యాక్టీవ్ కరోనా కేసులు 46,488 ఉన్నాయి.

హైదరాబాద్ సిటీ తో పాటు గ్రేటర్ హైదరాబాద్ మున్సిపల్ కార్పొరేషన్ పరిధిలో 400 నుంచి 500 కుపైగా కరోనా పాజిటివ్ కేసులు నమోదవుతున్నాయి. మిగతా జిల్లాల్లో కూడా 200కు పైగా కరోనా పాజిటివ్ కేసులు నమోదవుతుండగా పరిస్థితి ఆందోళనకరంగా మారుతోంది. ఫస్ట్ వేవ్ కు, సెకండ్ వేవ్ కు సింప్టమ్స్ విషయంలో చాలా తేడా ఉందని వైద్య అధికారులు చెబుతున్నారు. ఫస్ట్ వేవ్ లో కరోనా బాధితులకు ఎక్కువగా జ్వరం, పొడి దగ్గు, బాడీ పెయిన్స్, కీళ్ల నొప్పులు, అలసట, వాసన తెలియకపోవడం, గొంతు నొప్పి, శ్వాస ఇబ్బంది వంటి లక్షణాలు ఉండేవి కానీ సెకండ్ వేవ్ లో కరోనా రోగులకు ప్రధానంగా శ్వాస ఇబ్బంది మాత్రమే కనిపిస్తోందని చెబుతున్నారు. ఫలితంగా ప్రతి ఒక్క కరోనా రోగికి ఆక్సిజన్ అవసరం అవుతోంది.