అయితే ఈ అంశం మీద క్లారిటీ రావాల్సి ఉంది. అయితే ఈ సినిమాకు సంబంధించిన ఓ ఆసక్తికర విషయం వెలుగులోకి వచ్చింది. అదేమిటంటే ముందుగా ఈ సినిమాలో ఒక ఐటెం నంబర్ చేయమని రకుల్ ప్రీత్, కాజల్ అగర్వాల్, శృతి హాసన్ లాంటి ముగ్గురు హీరోయిన్స్ ని దర్శకుడు అప్రోచ్ అయ్యారట. ఆసక్తికరంగా ఈ ముగ్గురు కూడా సినిమాలో ఐటెం నంబర్ చేయడానికి ఒప్పుకోలేదని తెలుస్తోంది.

ఆ తరువాత ఆ పాత్రను చేయడానికి అదితి రావు హైదరి ముందుకు వచ్చింది. ఇక శర్వానంద్, సిద్ధార్థ్ హీరోలుగా నటిస్తున్న ఈ సినిమాలో అదితి రావు హైదరి, అను ఇమ్మానియేల్ హీరోయిన్స్ గా నటిస్తున్నారు. ఈ సినిమాని ఏకే ఎంటర్టైన్మెంట్స్ బ్యానర్ మీద సుంకర రామబ్రహ్మం తెరకెక్కిస్తున్నారు. రాజు తోట సినిమాటోగ్రాఫర్ గా పనిచేస్తున్న ఈ సినిమాకు ఆర్ఎక్స్ 100 సినిమాకి సంగీతం అందించిన చైతన్య భరద్వాజ్ సంగీతం అందిస్తున్నారు. కేఎల్ ప్రవీణ్ ఎడిటింగ్ చేస్తున్న ఈ సినిమా మీద మంచి అంచనాలు ముందు నుంచి నెలకొని ఉన్నాయి.