అయితే ఈ సినిమాలో చరణ్ డ్యూయల్ రోల్ చేయబోతున్నాడు అనే ప్రచారం పెద్ద ఎత్తున జరుగుతోంది. నిజానికి ముందు నుంచి ఈ సినిమాలో రామ్ చరణ్ ఒక ముఖ్యమంత్రి పాత్ర పోషిస్తున్నాడు అని ప్రచారం జరిగింది. ఆ ప్రచారంతో ఈ సినిమా ఒకే ఒక్కడు సినిమాకి సీక్వెల్ రీమేక్ అనే ప్రచారం కూడా మొదలైంది. కానీ తాజాగా అందుతున్న సమాచారం మేరకు ఈ సినిమాలో రామ్ చరణ్ తండ్రి కొడుకుల పాత్రల్లో నటిస్తున్నాడట.. అందులో ఒకటి 50 ఏళ్లకు పైబడిన తండ్రి పాత్ర కాగా మరొకటి యువకుడిగా ఉన్న రామ్ చరణ్ పాత్ర.. నిజానికి ఈ స్క్రిప్ట్ రాసుకుంటున్న సమయంలో శంకర్ మనసులో ఆలోచనలు వేరుగా ఉన్నాయట. 

వయసు మళ్ళిన హీరో పాత్రకు మరో హీరోని తీసుకోవాలని అనుకున్నాడు. కానీ రామ్ చరణ్ మాత్రం ఆ పాత్ర కూడా తానే చేస్తానని పట్టుబట్టి కూర్చున్నాడట. దీంతో ఈ అంశం మీద చరణ్ కు శంకర్ 2 ఆప్షన్స్ ఇచ్చినట్లు సమాచారం. ఆ రెండు ఆప్షన్స్ ఏమిటంటే ముందు చరణ్ కి మేకప్ టెస్ట్ చేస్తారు, ఆ మేకప్ టెస్ట్ లో 50 ఏళ్ల పాత్రకి రామ్ చరణ్ సరిపోతే ఆయనచేత పాత్ర చేయిస్తారు, ఏ మాత్రం తేడా కనిపించినా ఆ పాత్ర వేరే హీరోతో చేయిస్తారట. అయితే ఈ రెండు నిర్ణయాలు చరణ్ కి వదిలేసినట్లు సమాచారం. టెక్నికల్ విషయాలలో చాలా శ్రద్ధ చూపించే శంకర్ ఇచ్చిన సలహా కచ్చితంగా రామ్ చరణ్ పాటిస్తారు అని అందరూ భావిస్తున్నారు. చూడాలి మరి ఏమవుతుందో.