ఇక ఈ వైరస్ తెలుగు టెలివిజన్ ను కూడా తాకినట్లు తెలుస్తోంది. ఇప్పటికే తెలుగులో నెంబర్ వన్ కామెడీ షో గా వెలుగొందుతున్న జబర్దస్త్ లో కరోనా పాజిటివ్ కేసు నమోదు కావడం ఇప్పుడు ఆ యూనిట్ లో అందరికీ టెన్షన్ గా మారింది. జబర్దస్త్ లో గెస్ట్ గా ఎంట్రీ ఇచ్చి టీం మెంబర్ గా మారిన వర్షకు ఇప్పుడు కరోనా వైరస్ పాజిటివ్ అని తెలుస్తోంది. ఈ విషయాన్ని ఈ భామ స్వయంగా తన సోషల్ మీడియా అకౌంట్ ద్వారా వెల్లడించింది ఆమె ప్రస్తుతం హైదరాబాద్ లోని ఒక ప్రముఖ ఆసుపత్రిలో చికిత్స తీసుకుంటుందని సమాచారం అందుతోంది.

 ఇక తన ఇంస్టాగ్రామ్ అకౌంట్ ద్వారా ఆమె ఒక సెల్ఫీ వీడియో రిలీజ్ చేసింది. అందులో తనకు రెండు రోజులుగా ఆరోగ్యం బాగుండడం లేదని అందుకే కరోనా టెస్ట్ చేయించుకోగా పాజిటివ్ వచ్చిందని పేర్కొంది. హాస్పిటల్స్ పరిస్థితి అసలు ఏమీ బాగోలేదు అని డెడ్ బాడీ లను చుట్టేసి పడేస్తున్నారు అని అందుకే అందరూ జాగ్రత్తగా ఉండి మాస్కులు పెట్టుకుని శానిటైజర్ వాడాలని ఆమె సలహా ఇచ్చింది. ఇక జబర్దస్త్ లో వర్ష ఇమ్మానియేల్ జోడి బాగా కుదరడంతో జబర్దస్త్ తో పాటు మరికొన్ని కార్యక్రమాల్లో కూడా ఈ జోడిని చూపిస్తూ హైలైట్ చేస్తున్నారు.. ఈ నేపథ్యంలో జబర్దస్త్ మాత్రమే కాక ఆమె పాల్గొన్న మిగిలిన కార్యక్రమాలు యూనిట్స్ కూడా ఇప్పుడు జాగ్రత్త పడుతున్నాయి.