యూనిట్ లోనే కాక రాష్ట్ర వ్యాప్తంగా కూడా భారీ ఎత్తున కరోనా కేసులు నమోదవుతున్న కారణంగా ఈ నిర్ణయం తీసుకున్నట్లు ప్రచారం జరుగుతోంది. దానికి కారణం ఈ సినిమా ఒక భారీ బడ్జెట్ సినిమా కావడమే. ఈ సినిమాలో పని చేయడం కోసం దాదాపు హైదరాబాద్ చుట్టుపక్కల నుంచి చాలామంది షూటింగ్ కి వస్తుంటారు. ఈ నేపథ్యంలో అన్ని ప్రాంతాలతో కనెక్టివిటీ ఉన్న కారణంగా ప్రస్తుతం రిస్కు చేయడం ఇష్టం లేని రాజమౌళి షూటింగ్ అర్థాంతరంగా నిలిపివేసినట్లు సమాచారం.. ఇక ప్రస్తుతానికి గ్రాఫిక్స్ వర్క్ మీద ఆయన పూర్తిగా దృష్టి కేంద్రీకరించినట్లు తెలుస్తోంది. 

నిజానికి ఇప్పటికే పలు దేశాలలో ఉన్న పలువురు నిపుణులతో ఈ సినిమా గ్రాఫిక్స్ వర్క్ చేయిస్తున్నారు. అయితే గతంలో వచ్చిన అవుట్పుట్ సరిగ్గా నచ్చకపోవడంతో ఇప్పుడు మళ్లీ రాజమౌళి కొత్త అవుట్ పుట్ కోసం ఆయా నిపుణుల వెంట పడుతున్నారు. ఇక అనుకోకుండా వచ్చిన ఈ గ్యాప్ తో గ్రాఫిక్స్ వర్క్ పూర్తి చేయాలని ఆయన భావిస్తున్నాడు అని తెలుస్తోంది. ఈ సినిమా షూటింగ్ దాదాపు పూర్తి కావచ్చింది కాకపోతే రామ్ చరణ్ అలియా భట్ మధ్య కొన్ని సన్నివేశాలు, మరి కొంత టాకీ పార్ట్ బాకీ ఉంది. ఆమెకు ఈ మధ్యనే కరోనా వచ్చి తగ్గింది. మొత్తం ఈ సినిమా షూటింగ్ మళ్లీ ఎప్పుడు మొదలవుతుందో తెలియని పరిస్థితి నెలకొంది.