ఈ పాన్ ఇండియన్ ప్రాజెక్ట్ ని నందమూరి కళ్యాణ్ రామ్ సమర్పించనున్నారు. ఎన్టీఆర్ ఆర్ట్స్, యువసుధ ఆర్ట్స్ బ్యానర్లపై కోసరాజు హరికృష్ణ,  మిక్కిలినేని సుధాకర్ ఈ చిత్రాన్ని నిర్మించనున్నారు. తాజా నివేదికల ప్రకారం, జూనియర్ ఎన్టీఆర్, కొరటాల శివ కాంబో మూవీకి దేవిశ్రీ ప్రసాద్ సంగీతం అందించనున్నారట. కొరటాల శివ దేవి శ్రీ ప్రసాద్ ని తప్ప మరేతర సంగీత దర్శకుడిని తీసుకోవడానికి ఆసక్తి చూపడం లేదని సమాచారం.

ఇకపోతే ప్రస్తుతం కొరటాల శివ చిరంజీవి హీరోగా నటిస్తున్న "ఆచార్య" సినిమాకి దర్శకత్వం వహిస్తున్నారు. ఈ సినిమాకి మణిశర్మ సంగీత బాణీలు అందిస్తున్నారు. కానీ తన దర్శకత్వంలో రానున్న ఎన్టీఆర్ సినిమాకు మణిశర్మ ని తీసుకోవడానికి కొరటాల శివ ఇష్టపడటం లేదని తెలుస్తోంది. నిజానికి గతంలో కొరటాల శివ దేవిశ్రీప్రసాద్ కలిసి 4 సినిమాలకు పనిచేసారు. వీరిద్దరి మధ్య బాగా పరిచయం ఏర్పడింది. దీన్నిబట్టి డేట్స్ ఖాళీగా ఉంటే ఎన్టీఆర్ సినిమాకి సంగీతం సమకూర్చడానికి దేవిశ్రీ ప్రసాద్ ఖచ్చితంగా గ్రీన్ సిగ్నల్ ఇస్తారని తెలుస్తోంది.