బాలీవుడ్ లో కరణ్ జోహార్ తో కలిసి ఈ సినిమాని నిర్మిస్తున్న పూరి జగన్నాథ్ దాదాపు ఇప్పటికే 50 శాతం షూటింగ్ మాత్రమే పూర్తి చేశాడు. మిగతా దర్శకులు హీరోలు అందరూ వరుసపెట్టి సినిమాలు లైన్లో పెట్టుకుంటున్నా ఆయన మాత్రం ఈ సినిమా పూర్తి చేసేందుకు కూడా ఆసక్తి చూపించకపోవడం ఇప్పుడు టాలీవుడ్ వర్గాల్లో చర్చనీయాంశంగా మారింది. అసలు పూరి జగన్నాథ్ ఎక్కడ ఉంటున్నాడు ? షూటింగ్ కోసం అసలు ఏమైనా ప్రయత్నాలు చేస్తున్నాడా ? అనే చర్చ ప్రస్తుతానికి టాలీవుడ్ వర్గాల్లో జోరుగా జరుగుతోంది. 

వాస్తవానికి పూరి జగన్నాథ్ చాలా స్పీడ్ గా సినిమాలు తీస్తాడనే పేరుంది. అలాంటిది ఈ సినిమా గురించి ఎందుకు ఇంత లేట్ చేస్తున్నాడు ? అనే చర్చ ఇటు టాలీవుడ్ తో పాటు అటు బాలీవుడ్ వర్గాల్లో కూడా జరుగుతోంది. మరి తన స్టైల్ కు భిన్నంగా ఎందుకు ఇంత లేట్ చేస్తున్నాడో ఆయనకే తెలియాలి. అనన్య పాండే హీరోయిన్ గా నటిస్తున్న ఈ సినిమాలో ప్రకాష్ రాజ్, రమ్యకృష్ణలు కీలక పాత్రల్లో నటిస్తున్నారు. విజయ్ దేవరకొండ - పూరి కాంబినేషన్ కావడంతో ఈ సినిమా మీద జనాల్లో మంచి అంచనాలు ఉన్నాయి.