ఇక మాంసాహారంతో పోల్చితే శాకాహారుల్లో క్యాన్సర్ బారిన పడే ముప్పు 40 శాతం తక్కువని ఓ అధ్యయనంలో తేలింది.శాఖాహారంలో ఉండే ఫైబర్, విటమిన్లు, ఫైటోకెమికల్స్ క్యాన్సర్‌ను అడ్డుకుంటాయట.శాఖాహారుల్లో క్యాన్సర్ కణాలతో పోరాడేందుకు ప్రత్యేకంగా తెల్ల రక్త కణాలు ఉంటాయట. రోగనిరోధక వ్యవస్థ మెరుగ్గా పని చేయడానికి శాఖాహారం తీసుకోవాలి.శాఖాహారం కండరాల్లో ఉండే మంచి బ్యాక్టీరియాపై సానుకూల ప్రభావం చూపుతుంది. శాఖాహారం తినేవారిలో చెడు కొలెస్ట్రాల్ తగ్గుతుంది. వెజ్ ఎక్కువగా తినేవారు శరీరకంగా, మానసికంగా ఆరోగ్యంగా ఉంటారు.శాఖాహారం వల్ల మీ గుండె పదిలంగా ఉంటుంది. హృదయ సంబంధ సమస్యలు దూరంగా ఉంటాయి. శాఖాహారం బీపీని నియంత్రణలో ఉంచుతుంది. హార్ట్ ఎటాక్‌ ముప్పు ఉన్నవారు శాఖాహారాన్ని తీసుకోవడమే ఉత్తమం.

ఇక అలాగే బీన్స్, కూరగాయలు, పప్పులు, బటాణీల వల్ల శరీరానికి పొటాషియం, ఫైబర్, ఐరన్ సమృద్ధిగా అందుతాయి.బరువు తగ్గాలనుకునే వారికి శాకాహారం ఒక్కటే మార్గం.శాకాహారం తీసుకోవడం వల్ల ఎలాంటి సైడ్ ఎఫెక్ట్స్ ఉండవు.వయస్సుతోపాటు పెరిగే అనారోగ్యం, జీర్ణ సంబంధ సమస్యలను సైతం శాఖాహారం తగ్గిస్తుంది.డయాబెటీస్‌ బాధితులు రోజూ తగిన వ్యాయామం చేస్తూ.. తక్కువ ఫ్యాట్ ఉండే శాఖాహారాన్ని డైట్‌గా తీసుకోవాలి.కేవలం శాఖాహారం మాత్రమే తిని డయాబెటిస్‌ను తగ్గించుకున్న వ్యక్తులు కూడా ఉన్నారు.కార్బోహైడ్రేట్లు, పీచు పదార్థాలు ఎక్కువగా ఉండే ఆహారం తీసుకోవడం వల్ల శరీరంలో ఇన్సులిన్ ఉత్పత్తి మెరుగవుతుంది.శాఖాహారంతో డయాబెటిస్ రోగులు గ్లూకోజ్ స్థాయిలను నియంత్రించవచ్చు.ఇంకెందుకు ఆలస్యం మీరు కూడా శాఖాహారం అలవాటు చేసుకోండి. సంపూర్ణ ఆరోగ్యంగా ఉండండి...