ఇప్పటికే మెగాస్టార్ చిరంజీవి, విక్టరీ వెంకటేష్, పవర్ స్టార్ పవన్ కళ్యాణ్ లాంటి హీరోలు మలయాళంలో సూపర్ హిట్ సినిమాలు తెలుగులో రీమేక్ చేస్తున్నారు. ఇలా కొన్ని సినిమాల్లో అఫీషియల్ రీమేక్ అవుతుంటే కొన్ని సినిమాలు మాత్రం ఫలానా మలయాళ సినిమాకు రీమేక్ అని ఎక్కడా ప్రకటించకుండా నేరుగా తెరకెక్కుతుండడం ఆసక్తికరంగా మారింది. ఆ సినిమాలు ఏవి అనగా ప్రస్తుతం సుమంత్ హీరోగా తెరకెక్కుతున్న అనగనగా ఒక రౌడీ, తేజ సజ్జా హీరోగా ప్రియా ప్రకాష్ వారియర్ హీరోయిన్ గా తెరకెక్కుతున్న ఇష్క్  సినిమాలు. సుమంత్ అనగనగా ఒక రౌడీ సినిమా మలయాళంలో బిజూ మీనన్ హీరోగా నటించిన పడయొట్టం కు రీమేక్ అట. 

నిజానికి సినిమా లాంచ్ చేసే సమయంలో ఇది మలయాళ సినిమాకి రీమేక్ అని పేర్కొన్నారు, అయితే  అది ఏ మలయాళ సినిమా అనేది మెన్షన్ చేయలేదు. అలాగే తేజ హీరోగా నటిస్తున్న ఈ సినిమా కూడా మలయాళంలో సూపర్ హిట్ అయిన సినిమా ఇష్క్ సినిమాకి తెలుగు రీమేక్. ఈ సినిమా గురించి కూడా ఎక్కడా మెన్షన్ చేయకపోవడం ఆసక్తికరంగా మారింది. ఈ సినిమాతో ఎమ్.ఎస్.రాజు దర్శకుడిగా పరిచయం అవుతున్నారు మెగా సూపర్ గుడ్ ఫిలింస్ సంస్థ ఈ సినిమాను నిర్మిస్తోంది. చాలా చిన్న కథాంశంతో తెరకెక్కిన ఈ సినిమా మలయాళంలో మంచి పేరు తెచ్చుకుంది. ఆ సినిమాను అదే పేరుతో తెలుగులో తెరకెక్కిస్తున్నారు కానీ కానీ ఫలానా సినిమా అని ఎక్కడా మెన్షన్ చేయకపోవడం ఆసక్తికరంగా మారింది.