ఇలాంటి నేపధ్యంలోనే ఖమ్మం, వరంగల్ తో పాటు మరో ఐదు మున్సిపాలిటిలకు కమీషన్ నోటిఫికేషన్ జారీచేసింది. మున్సిపాలిటిల విషయం ఎలాగున్నా ఖమ్మం, వరంగల్ కార్పొరేషన్లలో పోటీ చేయాల్సిందే అని షర్మిల అండ్ కో నిర్ణయించుకున్నారట. పోయిన ఎన్నికల్లో కూడా ఖమ్మం కార్పొరేషన్లలో ఇద్దరు వైసీపీ తరపున కార్పొరేటర్లు గెలిచారు. అంటే ఖమ్మంలో మొదటినుండి వైఎస్సార్ కు బలమైన బేస్ ఉంది. దీన్ని అడ్వాంటేజ్ తీసుకోవాలని షర్మిల కూడా ప్లాన్ చేస్తున్నారు. ఖమ్మం కార్పొరేషన్లో 60 డివిజన్లు, వరంగల్ కార్పొరేషన్లో 66 డివిజన్లకు పోటీ చేస్తే షర్మిలకు తెలంగాణా జనాలు ఏపాటి మద్దతిచ్చేది తెలుస్తుంది. అయితే ఇంతవరకు పార్టీని ప్రకటించలేదు కాబట్టి మరి ఏ పద్దతిలో పోటీ చేస్తారు ? షర్మిల ఎలా ప్రచారం చేస్తారనే విషయం తేలాల్సుంది.