మరోవైపు కొద్ది వారాల క్రితం ఈ స్టార్ డైరెక్టర్ అల్లు అర్జున్ ని గీతా ఆర్ట్స్ ఆఫీస్ లో కలిశారు. ఈ నేపథ్యంలోనే అల్లు అర్జున్ తో ప్రశాంత్ నీల్ సినిమా చేయబోతున్నారని వార్తలు వెల్లువెత్తాయి. ఐతే ప్రస్తుతం అందుతున్న సమాచారం ప్రకారం, పుష్ప సినిమా షూటింగ్ పూర్తి కాగానే బన్నీ-నీల్ కాంబో మూవీ ప్రకటించే అవకాశాలు ఉన్నాయట.

ఇదిలా ఉండగా.. డైరెక్టర్ ప్రశాంత్ నీల్ తారక్ తో కూడా ఒక సినిమా ప్లాన్ చేశారని.. ఈ మేరకు తారక్ పుట్టిన రోజు సందర్భంగా అనగా మే 20వ తేదీన అధికారిక ప్రకటన విడుదల కానుందని సినిమా వర్గాల్లో టాక్ వినిపిస్తోంది. ప్రస్తుతానికైతే ప్రశాంత్ నీల్ తదుపరి టాలీవుడ్ సినిమాపై ఎన్నో రూమర్స్ వస్తున్నాయి కానీ ఆయన ఎవరితో సినిమా తీస్తారో క్లారిటీ రావడం లేదు. ప్రశాంత్ నీల్ తారక్ తో మూవీకి ప్లాన్ చేశారా లేక బన్నీ తో మూవీ ప్లాన్ చేశారా అనేది తెలియాలంటే కొద్ది రోజులు వేచి చూడాల్సిందే.