ఈ నేపథ్యంలోనే ప్రభాస్ మరొక బాలీవుడ్ డైరెక్టర్ తో కలిసి సినిమా చేయబోతున్నారని పుకార్లు షికారు చేస్తున్నాయి. సిద్ధార్థ ఆనంద్ అనే ఒక డైరెక్టర్ తో కలిసి ఆయన మరొక బాలీవుడ్ సినిమా చేయడానికి గ్రీన్ సిగ్నల్ ఇచ్చినట్టు సినీవర్గాల్లో ప్రచారం జరుగుతోంది. అయితే ఈ సినిమా వార్ మూవీ కి రీమేక్ అని కొందరు అంటుండగా మరికొందరు మాత్రం ప్రభాస్ ఆనంద్ తో కలిసి కొత్త సినిమానే చేయనున్నారని అంటున్నారు. ఏది ఏమైనా ఆయన తో కలిసి ప్రభాస్ సినిమా చేయడానికి అంగీకరించారని టాక్ వినవచ్చింది.

ఈ విధంగా చూసుకుంటే ప్రభాస్ ప్రస్తుతం 4 సినిమాలను లైన్ లో పెట్టినట్లు తెలుస్తోంది. సలార్, ఆదిపురుష్ సినిమాలు పూర్తి చేసే లోపు కనీసం రెండున్నర ఏళ్ల నుంచి మూడు సంవత్సరాలు పడుతుందని చెప్పుకోవచ్చు. నాగ్ అశ్విన్ తో చేసే సినిమా ఒకటిన్నర నుంచి రెండు సంవత్సరాలు పట్టొచ్చు. ఇక సిద్ధార్ద్ ఆనంద్ తో కలిసి చేసే మరొక సినిమా ఎంత లేదనుకున్నా ఒక ఏడాది సమయం పట్టొచ్చు. ఇలా చూసుకుంటే ప్రభాస్ వచ్చే ఐదు సంవత్సరాలకు సరిపడా చిత్రాలను లైన్ లో పెట్టారని స్పష్టమవుతోంది.

ఇకపోతే ప్రభాస్ త్వరలోనే రాధేశ్యామ్ సినిమాకు సంబంధించిన ఒక సాంగ్ షూట్ లో జాయిన్ అవ్వాల్సి ఉంది. అలాగే రెండు, మూడు సన్నివేశాలు షూట్ చేయాల్సి ఉండగా ప్రభాస్ వాటిని అతి త్వరలోనే పూర్తి చేయనున్నారని తెలుస్తోంది. జులై 30వ తేదీన రాధేశ్యామ్ సినిమా విడుదల చేస్తామని చిత్ర బృందం ప్రకటించింది కానీ కరోనా కాలంలో రిలీజ్ చేస్తారో లేదో అనేది తెలియాల్సి ఉంది.