ఆమె వెంట పెద్ద ఎత్తున జనం రావడంతో పోలీసులు ఆమెను అరెస్టు చేసి కాసేపు బొల్లారం పోలీస్ స్టేషన్ కు తరలించి అక్కడి నుంచి తీసుకెళ్లి లోటస్ పాండ్ లో దింపి వచ్చారు. ఆమె లోటస్ పాండ్లో సైతం ఈ రోజు దీక్ష కొనసాగిస్తున్నారు. ఆ విషయం పక్కన పెడితే నిరుద్యోగ సమస్య కోసం అంటున్న ఆమెను పోలీసులు అరెస్టు చేసే సమయానికి ఆంధ్రప్రదేశ్ లో ఒక నిరుద్యోగి సాక్షాత్తూ ఒక మంత్రి, స్పీకర్ సమక్షంలో ఆత్మహత్యాయత్నం చేయడం సంచలనంగా మారింది. 

ఆంధ్రప్రదేశ్ ప్రభుత్వం వాలంటీర్లకు సన్మానాలు చేస్తున్న సంగతి తెలిసిందే. ఇలా సన్మానం చేస్తున్న ఒక సభలో ఒక నిరుద్యోగి ఆత్మహత్య యత్నానికి పాల్పడి సంచలనం రేపాడు. అనిల్ కుమార్ అనే యువకుడు తాను గతంలో ఆముదాలవలస మున్సిపాలిటీ లో కాంట్రాక్టు పద్ధతిలో స్వీపర్గా పనిచేశానని వైసీపీ ప్రభుత్వం వచ్చాక తనను కావాలని ఉద్యోగం నుంచి తొలగించారని ఈ విషయం మీద తాను స్పీకర్ చుట్టూ చాలా రోజులుగా తిరుగుతున్నానని చెప్పుకొచ్చాడు. స్పీకర్ కొడుకు కూడా తనby చాలా రోజులు తిప్పించుకుని ఏమాత్రం హెల్ప్ చేయడం లేదని చెబుతూ మంత్రి, స్పీకర్ వద్దకు వెళ్లడానికి ప్రయత్నం చేశాడు. 

అక్కడే ఉన్న పోలీసులు అడ్డుకోవడంతో ఆయన వెంట తెచ్చుకున్న బెడ్ తో తన చాతి మీద, మెడ మీద కోసుకునేందుకు ప్రయత్నించాడు. నిజానికి రెండు వార్తలు వేరు వేరు అయినా సరే ఇప్పుడు తెలంగాణలో నిరుద్యోగుల కోసం కొట్లాడే షర్మిల తన అన్నతో ఆంధ్రప్రదేశ్ నిరుద్యోగుల కోసం ఎందుకు కొట్లాడదు అని ప్రశ్నిస్తున్నారు కొంతమంది. తెలంగాణ మీద ఇప్పుడు ఎందుకు ఇంత వల్లమాలిన ప్రేమ పుట్టుకొచ్చిందో తెలపాలని కూడా తెలంగాణ వాదులు సైతం ప్రశ్నిస్తున్నారు. మొత్తం మీద అదే సమయానికి ఆంధ్రప్రదేశ్ లో ఈ ఘటన జరగడం షర్మిలకు కాస్త ఇబ్బందికరమైన అంశమనే చెప్పాలి.