అయితే ప్రస్తుతం రాజకీయ వర్గాల్లో కొనసాగుతున్న టాక్ ప్రకారం.. అచ్చెన్నాయుడు కావాలనే ఆ వీడియోని రికార్డ్ చేయించి లీక్ చేసారని అంటున్నారు. తనకు టీడీపీ లో ఉండటం అసలు ఇష్టం లేదని అందరికీ తెలియజేయడానికే అచ్చెన్నాయుడు ఇలా మాట్లాడరని అంటున్నారు. ఇదిలా ఉండగా, ఏప్రిల్ 17 తరువాత ఆయన శాశ్వతం గా టీడీపీ పార్టీ ని విడిచిపెట్టానున్నారని టాక్ నడుస్తోంది.

ఈ క్రమంలోనే అచ్చెన్నాయుడు టీడీపీ ని వీడి జనసేన పార్టీ లో జాయిన్ అవుతారనే ప్రచారం తెర మీదకు వచ్చింది. సొంతంగా పార్టీ పెట్టి ముందుకు నడిపించడం తన వల్ల అయ్యే పని కాదని.. అందుకే వేరే పార్టీలో చేరాలని అచ్చెన్నాయుడు భావిస్తున్నట్టు తెలుస్తోంది. ఆయన చాలా కాలం పాటు టీడీపీ పార్టీ కి సేవలందించారు కాబట్టి.. దానికి బద్ధ శత్రువైన వైసీపీ పార్టీలో చేరేందుకు అచ్చెన్న ఆసక్తి కనబరచకపోవచ్చు. ఒకవేళ వైసీపీ లో చేరినా ఆయనకు టీడీపీ పార్టీ లో దొరికినంత మర్యాదలు దొరకక పోవచ్చు. ఆయన సీనియర్ రాజకీయవేత్త కాబట్టి సర్దుకుపోవడం వంటివి కుదరవు.

ఈ విషయాలన్నీ బేరీజు వేసుకున్న తర్వాత అచ్చెన్నాయుడు జనసేన పార్టీ కండువా కప్పుకోవడానికి సిద్ధమయ్యారని సన్నిహిత వర్గాల నుంచి సమాచారం అందినట్లు తెలుస్తోంది. టీడీపీ సీనియర్ నాయకులైన నిమ్మకాయల చిన్న రాజప్ప, వంగవీటి రాధాకృష్ణ కూడా జనసేన పార్టీలోకి జంప్ కాబోతున్నారని పుకార్లు షికారు చేస్తున్నాయి.

"ఏపీ సీఎం జగన్ నాలాంటి సీనియర్ నేతలకు గౌరవం ఇవ్వకపోయినా.. వినయ పూర్వకమైన నాయకుడు జనసేన పార్టీ అధ్యక్షుడు పవన్ కల్యాణ్ నాకు ఖచ్చితంగా గౌరవం ఇస్తారు." అని అచ్చెన్న తన సన్నిహితులతో చెప్పినట్లు నివేదికలు పేర్కొంటున్నాయి. అయితే అచ్చెన్నాయుడు జనసేన పార్టీలో చేరతారని ప్రస్తుతం వస్తున్న రూమర్స్ నిజం కావచ్చు కాకపోవచ్చు కానీ ఆయన మాత్రం టీడీపీ విడిచి పెట్టడం ఖాయమని రాజకీయ వర్గాల్లో ప్రచారం జరుగుతోంది.