ఆయనకు కరోనా సోకడంతో శాకుంతలం సినిమా షూటింగ్ అర్ధాంతరంగా ఆగిపోయిందని అన్నారు. అయితే తాజాగా ఆయన దీనిపై వివరణ ఇచ్చారు. ఈ రోజు ట్విట్టర్ లో ఆయన ఇలా పోస్ట్ చేసాడు, “మీ అందరికీ హాయ్, హ్యాపీ ఉగాది నిన్న నేను కోవిడ్ టెస్ట్ చేయించుకున్న మాట నిజమే, అది సెట్స్‌ లో చేసే రోజు వారీ తనిఖీలలో భాగమే, అయితే అది పాజిటివ్ కూడ వచ్చింది. కానీ అది ఫేక్ అని అన్నారు.

 నాకు కరోనా రాలేదని వైద్యులు ధృవీకరించారని పేర్కొన్న ఆయన నేను అన్ని జాగ్రత్తలతో షూట్ తిరిగి ప్రారంభిస్తాను అని అన్నారు. ఆయన స్వయంగా క్లారిటీ ఇచ్చేయడంతో షెడ్యూల్ ప్రకారం సినిమా షూట్ కొనసాగుతుందని ఆశిద్దాం. ఇక ఈ సినిమా యూనిట్ ప్రస్తుతం హైదరాబాద్‌లో షూటింగ్ జరుపుకుంటోంది. ఈ చిత్రీకరణలో సమంతతో పాటు ఇతర ప్రధాన తారాగణం పాల్గొంటున్నారు. సమంత శకుంతల పాత్రలో నటిస్తుండగా మళయాల హీరో దేవ్ మోహన్ దుష్యంతుని పాత్రలో నటిస్తున్నారు. ఈ సినిమాని గుణశేఖర్ తన సొంత బ్యానర్ లో నిర్మిస్తున్నారు.