విద్యార్థిని కిడ్నాప్ చేసిన పిటీ మాస్టర్..చివరికి

కిడ్నాప్ చేసిన తర్వాత ఏకంగా వివాహం చేసుకోవడానికి మాస్టర్ ప్లాన్ వేశాడు.ఈ ఘటన తమిళనాడులోని కృష్ణగిరి జిల్లాలోని మత్తూరు సమీపంలో జరిగింది. చివరికి పీటీ మాస్టర్ ప్లాన్ రివర్స్ అయ్యింది. అసలు విషయానికొస్తే.. కృష్ణగిరి జిల్లా మత్తూర్‌ సమీపం జింజెమ్‌పట్టికి చెందిన ఓ వ్యక్తి కుమార్తె ప్లస్‌ వన్‌ చదువుతోంది.తిరువణ్ణామలై జిల్లా మేల్‌ సంగంలో తన కుటుంబం తో ఉంటుంది.అక్కడ కూలి పనులు చేస్తూ అదే ప్రాంతంలో ఉన్న డేనియల్‌ మిషన్‌ మెట్రిక్యూలేషన్‌ పాఠశాలలో చదువుకుంటోంది. ఈ క్రమంలో ఆ విద్యార్థిని ఈ నెల 9వ తేదీన అదృశ్యమైంది. తల్లి దండ్రులు ఎంత వెతికినా కనిపించక పోవడం తో పోలీసులకు ఫిర్యాదు చేశారు.కేసు నమోదు చేసుకున్న పోలీసులు దర్యాప్తు చేపట్టారు..ప్రభుత్వ పాఠశాలలో పీటీ మాస్టర్‌గా పనిచేస్తున్న చరణ్‌ రాజ్‌ గురించి పోలీసులకు తెలిసింది.

 ఆ బాలికపై పీటీ మాస్టర్ కన్నేసినట్లు తెలుసుకున్న పోలీసులు, ఆ దిశగా దర్యాప్తు మొదలుపెట్టారు. చివరికి, వివాహం చేసుకోడానికే ఆ విద్యార్థినిని చరణ్ రాజ్ కిడ్నాప్‌ చేసినట్లు వెల్లడైంది. అతన్ని అరెస్ట్ చేసి యువతిని తల్లి దండ్రులకు అప్పగించారు. పోలీసులు విచారణలో చరణ్ రాజ్ ఆసక్తి కర విషయాలు వెల్లడించినట్లు తెలుస్తోంది. వయస్సు పై బడుతున్నా తనకి ఇంతవరకు వివాహం జరగలేదని.. అందుకే బాలికను కిడ్నాప్ చేసి పెళ్లి చేసుకోవాలనుకున్నానని పోలీసులకు తెలిపాడు. ఈ ఘటనలో ఇంకెవ్వరైన ఉన్నారా అనే కోణంలో పోలీసులు దర్యాప్తు చేస్తున్నారు .. 