కొన్ని కోలీవుడ్ సినిమాలకు రచయితగా కూడా పనిచేసిన శరత్ తో రవితేజ సినిమా చేయడానికి ముఖ్య కారణం శరత్ చెప్పిన కధే అంటున్నారు. ఉగాది సందర్భంగా ఈ సినిమాని నిన్న లాంఛనప్రాయ పూజా వేడుకలతో  ప్రారంభించారు. ముహూర్తం షాట్ కోసం రవితేజ క్లాప్ కొట్టగా, మైత్రి మూవీ మేకర్స్ రవిశంకర్ కెమెరా ఆన్ చేశారు. నిర్మాత సుధాకర్ చెరుకూరి స్క్రిప్ట్‌ ను దర్శకుడు శరత్‌ కు అందజేశారు. థ్రిల్లర్‌ గా చెప్పబడుతున్న ఈ సినిమా కూడా వాస్తవ సంఘటనలపై ప్రేరణ పొంది రాసుకున్న కధ అని అంటున్నారు. 

ఈ ఏడాది మొదట్లో ప్రేక్షకుల ముందుకు వచ్చి సూపర్ హిట్ గా నిలిచినా క్రాక్ సినిమా కూడా ఇలా రియల్ ఘటనల నేపధ్యంలో తెరకెక్కిన సంగతి తెలిసిందే. ఇక దర్శకుడు శరత్ రవితేజను విలక్షణమైన పాత్రలో చూపనున్నారని అంటున్నారు. మజిలీ సినిమాతో తెలుగులో అరంగేట్రం చేసిన దివ్యాన్ష కౌశిక్ ఈ సినిమాలో రవితేజతో రొమాన్స్ చేయనున్నారు. ఎస్‌ఎల్‌వి సినిమాస్ ఎల్‌ఎల్‌పి అధినేత సుధాకర్ చెరుకూరి ఈ సినిమాని నిర్మిస్తున్నారు. మరి ఈ సినిమా రవితేజకు ఎంత పెద్ద హిట్ తెచ్చిపెడుతుందో వేచి చూడాలి మరి.