మహిళలు మెచ్చిన ఈ సినిమా విజయోత్సవాన్ని 'మగువా ఇది నీ విజయం' పేరుతో హైదరాబాద్‌లో ఓ కార్యక్రమాన్ని నిర్వహించారు. ఈ కార్యక్రమంలో చిత్ర బృందంతో పాటు వివిధ రంగాల్లో పేరు పొందిన మహిళలు పాల్గొన్నారు.ఈ మేరకు న్యాయమూర్తి ఉదయ గౌరి మాట్లాడుతూ.. ''30 ఏళ్లుగా న్యాయమూర్తిగా పని చేస్తున్నాను. ఎన్నో కేసులను చూశాను. ప్రతి కేసూ ప్రత్యేకమైన నేపథ్యం కలిగి ఉండేది. నేను ఉస్మానియాలో చదువుకున్నాను. అప్పుడు చాలా అల్లరి చేసే అమ్మాయిని.ఆ తర్వాత నేను జడ్జిగా స్థిరపడిన తర్వాత మా యూనివర్సిటీ విద్యార్థులను ఫీల్డ్ విజిట్ కోసం నా కోర్ట్ కు తీసుకొచ్చారు. మహిళలకు మనలో ఉన్న శక్తి మనకు తెలియదు. కానీ చేయాలనుకుంటే ఎంతటి కష్టమైన పని అయినా మనం చేయగలం.

నేను జడ్జ్ గా బెంచ్ లో ఉన్నప్పుడు రాజకీయ పార్టీలు, లాయర్స్ అంతా భయపడేవారు. అమ్మాయిలు మీకు నచ్చిందే చేయాలి, ఎవరి ఒత్తిడికి ప్రలోభాలకు లొంగకూడదు. ఎవరైనా మీ పట్ల తప్పు చేశారని అనిపిస్తే ధైర్యంగా నిలదీయాలని చెప్పే చిత్రమే వకీల్ సాబ్. ఇలాంటి సినిమా తెరపైకి వచ్చినందుకు సంతోషంగా ఉందని అన్నారు.. ఈ కార్యక్రమానికి చిత్ర యూనిట్ లోని పలువురు పాల్గొని వారి అమూల్యమైన వ్యాఖ్యలతో పాటుగా, సినిమాలోని ముఖ్య అంశాల గురించి ప్రత్యేకంగా వివరించారు. ఈ స్పందన చూస్తుంటే గతంలో పవన్ కల్యాణ్ కు ఎప్పుడూ లేని గౌరవం దక్కిందని తెలుస్తుంది.