ఎవరో కార్యకర్త మీద రాయిపడితే ఆ రాయేదో తనపైనే పడినట్లు, రాళ్ళవర్షం కురిపస్తున్నారని ఆరోపిస్తు  నానా గోల గోల చేసేశారు. వాహనంలో నుండి దిగిపోయి రోడ్డుపైనే కూర్చుండిపోయారు. ఎస్పీ, కలెక్టర్ వచ్చి తనతో మాట్లాడేంతవరకు రోడ్డుపై నుండి లేచేది లేదంటు భీష్మించుకుని కూర్చున్నారు. దాంతో అక్కడ ఏమి జరుగుతోందో మామూలు జనాలకు అర్ధమేకాలేదు. మొత్తానికి ఓ 40 నిముషాల తర్వాత అక్కడి నుండి లేచి వెళిపోయారు. అయితే చంద్రబాబు ఇక్కడ గోలచేస్తున్న సమయంలోనే అమరావతిలో పార్టీ నేతలు గవర్నర్ బిశ్వభూషణ్ హరిచందన్ కు ఫిర్యాదు చేసేశారు. జగన్మోహన్ రెడ్డి ప్రభుత్వం చంద్రబాబుపై కక్షసాధింపు చర్యలకు దిగినట్లు రాతమూలకంగా ఫిర్యాదు చేశారు. సరే వరుసగా ఒకరితర్వాత మరొకరుగా చాలామంది సీనియర్ నేతలు ప్రభుత్వం+పార్టీపై నోటికొచ్చినట్లు ఆరోపణలతో బురదచల్లేశారు.